லங்காசிறி FM
விஜயகாந்தை பார்த்து ரஜினி பயந்துட்டாரு.., ஷூட்டிங் ஸ்பாட்டில் நடந்த சுவாரஸ்ய சம்பவம்
மறைந்த நடிகர் விஜயகாந்தை பார்த்து ரஜினிகாந்த் பயந்த சம்பவத்தை நடிகர் டெல்லி கணேஷ் கூறிய வீடியோ இணையத்தில் வைரலாகி வருகிறது.
நடிகரும், தேமுதிக தலைவருமான விஜயகாந்த் கடந்த டிசம்பர் மாதம் 28 -ம் திகதி உடல் நலக்குறைவு காரணத்தால் உயிரிழந்தார். இவரது மறைவு தமிழகத்தில் பெரும் சோகத்தை ஏற்படுத்தியது. இவரது மறைவுக்கு பிரபலங்களும், மக்களும் அஞ்சலி செலுத்தி வருகின்றனர்.
இதனிடையே, விஜயகாந்த் மறைவு செய்தி கேட்டு ஷூட்டிங்கிறாக திருநெல்வேலி சென்றிருந்த ரஜினிகாந்த் உடனடியாக சென்னை திரும்பி நேரில் வந்து அஞ்சலி செலுத்தினார்.
வைரலாகும் வீடியோ
இந்நிலையில், விஜயகாந்த் தொடர்பான வீடியோக்கள் இணையத்தில் வைரலாகி வருகின்றன. அந்தவகையில் நடிகர் டெல்லி கணேஷ் பேசிய வீடியோ ஒன்று பேசுபொருளாகியுள்ளது.
விஜயகாந்த் கலைப்பணி தொடர்பான பட்டிமன்றம் நிகழ்ச்சியில் பேசிய டெல்லி கணேஷ், "பாபா பட ஷூட்டிங் நடக்கும் நேரத்தில் நாங்கள் சிவாஜி கார்டனில் இருந்தோம். அப்போது கார் ஒன்று வந்தது. அதில் இருந்து ஒருத்தர் அடிக்கிற மாதிரியே இறங்கி வந்தார். அப்போது யாரு யாருன்னு கேட்டு ரஜினி பயந்துவிட்டார்.
அதுவும் வெள்ளை அம்பாசிடர் கார்கள் கூட்டமாக வந்ததும் என்ன செய்வதென்றே ரஜினிக்கு புரியவில்லை. விஜயகாந்தை பார்த்ததும் தான் அவருக்கு நிம்மதியாக இருந்தது.
விஜயகாந்த் வந்தவுடன், கலை நிகழ்ச்சிகள் நடத்த சிங்கப்பூர், மலேசியா போகிறோம். கமல் வருகிறேன் என சொல்லிவிட்டார். நீங்கள் வருகிறீர்கள் எனக் கூறினார். அதற்கு ரஜினிகாந்தும் அப்ப நானும் வருகிறேன் என சொல்லிவிட்டார். இதில் விஜயகாந்த் ஒரு முறை தான் கூறினார். அதற்கு ரஜினி 100 தடவை வர்றேன்னு சொன்னார்’ என பேசினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
