லங்காசிறி FM
அனைவரையும் கண்ணீரில் மூழ்க வைத்த அமரன் - படக்குழுவை நேரில் சந்தித்த ரஜினிகாந்த்
சிவகார்த்திகேயன் மற்றும் சாய்பல்லவி நடித்த அமரன் படத்தை பாராட்டும் விதமாக, பட குழுவினரை நேரில் அழைத்து ரஜினிகாந்த் வாழ்த்து தெரிவித்துள்ளார்.
அமரன்
சிவகார்த்திகேயன் மற்றும் சாய் பல்லவியின் சமீபத்திய தமிழ் திரைப்படமான "அமரன்" தீபாவளி அன்று வெளியானது.
கமல்ஹாசன், ஆர் மகேந்திரன் மற்றும் விவேக் கிருஷ்ணானி ஆகியோரால் 130 கோடி ரூபாய் பட்ஜெட்டில் தயாரிக்கப்பட்ட இந்த படத்தில் சிவகார்த்திகேயன், சாய் பல்லவி, புவன் அரோரா மற்றும் ராகுல் போஸ் உள்ளிட்ட பலர் நடித்துள்ளனர். மேலும் ஜி.வி. பிரகாஷ் இசையமைத்துள்ளார்.
அமரன், மேஜர் முகுந்த் வரதராஜனின் தியாகத்திற்கு அஞ்சலி செலுத்தும் விதமாகவும் குறித்த திரைப்படம் எடுக்கபட்டுள்ளது.
படத்தின் ட்ரைலர் வெளியாகி மக்கள் மத்தியில் நல்ல வரவேற்பை பெற்றதோடு, படத்தின் மீதான எதிர்பார்ப்பும் இளைஞர்களிடையே அதிகமாக காணப்பட்டது.
இப்படத்தை பார்த்து கண் கலங்கியதாக முதலமைச்சர் மு.க. ஸ்டாலின் கூறியிருந்தார். அதேபோன்று பல பிரபலங்களும் இந்த படத்தை பார்த்து பாராட்டு தெரிவித்திருந்தனர்.
இந்நிலையில் நடிகர் ரஜினிகாந்த் நேரில் சந்தித்து வாழ்த்து தெரிவித்துள்ளதாக கூறப்படுகிறது.
படக்குழுவை நேரில் சந்தித்த ரஜினிகாந்த்
ரஜினிகாந்த் அமரன் படத்தை பார்த்து விட்டு பாராட்டு தெரிவித்துள்ளார். மேலும் படக்குழுவினரை நேரில் அழைத்து வாழ்த்தியுள்ளார் ரஜினிகாந்த். இதுகுறித்து தயாரிப்பு நிறுவனம் வெளியிட்டுள்ள பதிவில், ரஜினிகாந்த் தனது நண்பர் கமல்ஹாசன் தயாரிப்பில் சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் வெளியான ‘அமரன்’ படத்தைப் பார்த்து மகிழ்ந்தார்.
#Superstar @rajinikanth தனது நண்பர் கமல்ஹாசன் தயாரிப்பில் சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் வெளியான ‘அமரன்’ படத்தைப் பார்த்து மகிழ்ந்தார்.
— Raaj Kamal Films International (@RKFI) November 2, 2024
நேற்று தனது நண்பர் கமல்ஹாசன் அவர்களை தொலைபேசியில் அழைத்த சூப்பர் ஸ்டார் இந்தப் படத்தைத் தயாரித்ததற்காக மனமார்ந்த… pic.twitter.com/bPurzyxDxj
நேற்று தனது நண்பர் கமல்ஹாசன் அவர்களை தொலைபேசியில் அழைத்த சூப்பர் ஸ்டார் இந்தப் படத்தைத் தயாரித்ததற்காக மனமார்ந்த பாராட்டுதல்களைத் தெரிவித்தார்.
அத்துடன், அமரன் படத்தின் கதாநாயகன் சிவகார்த்திகேயன், இயக்குநர் ராஜ்குமார் பெரியசாமி, தயாரிப்பாளர் ஆர். மகேந்திரன்,ஒளிப்பதிவாளர் சாய் உள்ளிட்ட அமரன் படக்குழுவினரை நேரில் சந்தித்து தனது பாராட்டுகளையும் வாழ்த்தையும் தெரிவித்தார். என்று கூறப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
