லண்டனில் பட்டப்பகலில் கொடூர சம்பவம்... குவிக்கப்பட்ட பொலிசால் பரபரப்பு

London Crime

By Arbin Nov 10, 2024 04:32 PM GMT

Arbin

in ஐக்கிய இராச்சியம்

Report

தெற்கு லண்டனில் கத்தியால் தாக்குதல் நடந்த சம்பவம் தொடர்பில் பொலிசார் அழைக்கப்பட்ட நிலையில், ஒருவர் கொல்லப்பட்டதாகவும் இருவர் காயங்களுடன் தப்பியதாகவும் தகவல் வெளியாகியுள்ளது.

பரபரப்பான ஞாயிறு சந்தை

தெற்கு லண்டனில் வால்வொர்த் பகுதியில் அமைந்துள்ள பரபரப்பான ஞாயிறு சந்தையிலேயே குறித்த தாக்குதல் சம்பவம் நடந்துள்ளது. பகல் 10.40 மணியளவில் நடந்த இச்சம்பவத்தை அடுத்து உடனடியாக பொலிசார் அழைக்கப்பட்டுள்ளனர்.

லண்டனில் பட்டப்பகலில் கொடூர சம்பவம்... குவிக்கப்பட்ட பொலிசால் பரபரப்பு | Rampage At Busy Sunday Market

அவசர மருத்துவ உதவிக் குழுவினர் முன்னெடுத்த தீவிர முயற்சிகள் பலனளிக்காமல் சம்பவயிடத்திலேயே ஒருவர் மரணமடைந்துள்ளார். அவரை அடையாளம் காணும் பொருட்டும் உறவினர்களுக்கு தகவல் தெரிவிக்கவும் பொலிசார் தீவிரமாக முயன்று வருகின்றனர்.

60 வயது நபர்

இதில் பெண் ஒருவரும் இன்னொரு ஆணும் காயங்களுடன் மீட்கப்பட்டு, உடனடியாக மருத்துவமனையில் அனுமதிக்கப்பட்டுள்ளனர். அவர்களது நிலை தொடர்பில் உறுதியான தகவல் ஏதும் வெளியாகவில்லை என்றே கூறப்படுகிறது.

இந்த தாக்குதல் சம்பவம் தொடர்பில் 60 வயது மதிக்கத்தக்க நபர் கைதாகியுள்ளார் என பொலிஸ் தரப்பில் தெரிவிக்கப்பட்டுள்ளது. இச்சம்பவம தொடர்பில் தகவல் தெரியவரும் பொதுமக்கள் பொலிசாருக்கு உதவ முன்வர வேண்டும் என பொதுமக்களுக்கு கோரிக்கை விடுக்கப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்