பிரித்தானிய இளவரசி டயானாவின் இதுவரை வெளிவராத சில அரிய புகைப்படங்கள்

Princess Diana

By Balamanuvelan Jun 04, 2026 12:33 PM GMT

Balamanuvelan

in ஐக்கிய இராச்சியம்

Report

பிரித்தானிய இளவரசி டயானா 1997ஆம் ஆண்டே மறைந்துவிட்டார் என்றாலும், அவர் குறித்த செய்திகளை அறிந்துகொள்ள ஆவலாக இருக்கும் அவரது ரசிகர்கள் உலகம் முழுவதும் இன்னமும் இருக்கத்தான் செய்கிறார்கள்.

பிரித்தானிய இளவரசி டயானாவின் இதுவரை வெளிவராத சில அரிய புகைப்படங்கள் | Rare Photos Of Princess Diana In Her School Days

அவர்களுடைய விருப்பத்துக்கு தீனி போடும் வகையில், இதுவரை வெளிவராத டயானாவின் புகைப்படங்கள் சில வெளியாகியுள்ளன.

சில அரிய புகைப்படங்கள்

நீங்கள் இணையத்தில் இளவரசி டயானாவின் புகைப்படங்களைத் தேடினால், அவர் இளவரசர் சார்லசை திருமணம் செய்துகொண்டது முதலான புகைப்படங்களும், அவரும் சார்லஸ் மற்றும் அவரது பிள்ளைகளான இளவரசர்கள் வில்லியம் மற்றும் ஹரியும் இருக்கும் புகைப்படங்களைத்தான் அதிகம் காணமுடியும்.

ஆனால், அவர் திருமணத்துக்கு முன் எப்படி இருந்தார், என்ன செய்தார் என்பது தொடர்பான புகைப்படங்களைப் பார்ப்பது அரிதாகவே இருக்கும்.

இந்நிலையில், டயானா இளவரசர் சார்லசை திருமணம் செய்யும் முன், இங்கிலாந்தின் கென்டிலுள்ள West Heath Girls' School என்னும் பள்ளியில் படிக்கும்போது எடுக்கப்பட்ட சில புகைப்படங்கள் தற்போது வெளியாகியுள்ளன.

1973க்கும் 77க்கும் இடையில், தனியார் பள்ளியில் படித்துக்கொண்டிருந்த டயானாவுக்கு, 16 வயது இருக்கும்போது, அவர் தனது அறையில் இருக்கும் காட்சிகளும், பள்ளி வளாகத்தில் உலாவும் காட்சிகளும் அந்த புகைப்படங்களில் இடம்பெற்றுள்ளன.