லங்காசிறி FM
இன்று நாங்க அடிக்கும் ஒவ்வொரு பவுண்டரி... சிக்ஸருக்கும் இது கிடைக்கும்! பெங்களூரு வெளியிட்ட வீடியோ: வைரலாக்கும் ரசிகர்கள்
ஐக்கிய அரபு அமீரகத்தில் இன்று நடைபெறவிருக்கும் பெங்களூரு மற்றும் கொல்கத்தா அணிக்கெதிரான போட்டியின் போது அடிக்கப்படும், ஒவ்வொரு பவுண்டரி மற்றும் சிக்ஸர்களுக்கும் நிதியுதவி அளிக்கப்படும் என்று தெரிவிக்கப்பட்டுள்ளது.
கொரோனாவால் ஒத்தி வைக்கப்பட்ட ஐபிஎல் தொடர், தற்போது ஐக்கிய அரபு அமீரகத்தில் நேற்று துவங்கியது. இதில் சென்னை மற்றும் மும்பை அணிகள் மோதிய ஆட்டத்தில், சென்னை அணி 20 ஓட்டங்கள் வித்தியாசத்தில் வெற்றி பெற்றது.
இந்நிலையில், இன்றைய போட்டியில், கோலியில் பெங்களூரு அணியும், இயான் மோர்கனின் கொல்கத்தா நைட் ரைடர்ஸ் அணியும் மோதுகின்றன.
இப்போட்டியில், பெங்களூரு அணி கொரோனா முன்களப் பணியாளர்களுக்கு மரியாதை செலுத்தும் வகையில் நீல நிற ஜெர்ஸியை அணிந்து விளையாடவுள்ளது.
For every 6⃣, 4⃣ we hit & wicket we take today, our Title Sponsor be donating towards Give India's frontline efforts.#CheerWithMuthootBlue for RCB@MuthootIndia #MuthootFinCorp #MuthootBlue #RCB #IPL #PlayBold #1Team1Fight
— Royal Challengers Bangalore (@RCBTweets) September 20, 2021
pic.twitter.com/87D9GMCPzE
வீரர்கள் அணிந்து விளையாடிய நீல நிற ஜெர்ஸி பின்னர் ரசிகர்களிடம் ஏலம் விடப்பட்டு, அதன் மூலம் கிடைக்கும் தொகை ஏழைகளுக்கும், விளிம்பு நிலையில் இருக்கும் மக்களுக்கும் தடுப்பூசி செலுத்த உதவியாக வழங்கப்பட உள்ளது.
அதுமட்டுமின்றி பெங்களூரு வீரர்கள் இன்றைய ஆட்டத்தில் அடிக்கும் ஒவ்வொரு சிக்ஸர், பவுண்டரி, எடுக்கும் ஒவ்வொரு விக்கெட்டுக்கும் ஸ்பான்ஸர்கள் அளிக்கும் வெகுமதி முன்களப் பணியாளர்களுக்கு வழங்கப்பட உள்ளது.
இது குறித்து பெங்களூரு அணி தன்னுடைய டுவிட்டர் பக்கத்தில், நாங்கள் அடிக்கும் ஒவ்வொரு சிக்ஸர், பவுண்டரி, வீழ்த்தும் ஒவ்வொரு விக்கெட்டுக்கும் முன்களப் பணியாளர்களுக்கு ஸ்பான்ஸர்கள் நன்கொடை வழங்குவார்கள் என குறிப்பிட்டுள்ளது.
