கனடாவில் வாகனத்திற்குள் இறந்த நிலையில் கிடந்த சடலம்! வெளிவரும் பின்னணி
கனடாவில் வாகன விபத்தில் இளைஞர் ஒருவர் உயிரிழந்துள்ளார். 25 வயதான நபரே உயிரிழந்தார் என்று Bay Roberts பொலிசார் தெரிவித்துள்ளனர்.
அதன்படி கடந்த செவ்வாய்க்கிழமை மதியம் 12 மணியளவில் அங்குள்ள நெடுஞ்சாலையில் வாகனம் ஒன்று விபத்தில் சிக்கியதாக பொலிசாருக்கு தகவல் வந்தது.
தகவலையடுத்து சம்பவ இடத்திற்கு பொலிசார் விரைந்து வந்தனர்.
அப்போது வாகனம் ஒன்றில் ஓட்டுனர் இறந்து கிடந்தார், அவர் உள்ளே சிக்கியிருந்த நிலையில் பொலிசார் உடலை மீட்டனர்.
விபத்துக்கான காரணம் குறித்து தலைமை மருத்துவ ஆய்வாளர் அலுவலகத்தின் உதவியுடன் விசாரணை நடந்து வருகிறது.
விசாரணைக்கு பின்னர் சம்பவம் தொடர்பில் மேலதிக தகவல்கள் வெளியாகும் என எதிர்பார்க்கப்படுகிறது.