லங்காசிறி FM
மனிதர்கள் தானா? Reddit-ல் Face ID அறிமுகம் செய்ய திட்டம்
Ragavan
in தொழில்நுட்பம்
Reddit வலைதளத்தில் புதிதாக பயனர்களின் அடையாள சரிபார்ப்பு முறைகள் அறிமுகப்படுத்ப்படவுள்ளன.
சமூக வலைத்தளமான Reddit தனது பயனர்கள் உண்மையான மனிதர்களா அல்லது தானியங்கி ‘பாட்களா' (bots) என்பதை உறுதிப்படுத்த Face ID மற்றும் Touch ID போன்ற உயிரியல் அடையாள (Biometric Verification) முறைகளை அறிமுகப்படுத்த திட்டமிட்டுள்ளது.
Reddit நிறுவனத்தின் தலைமை நிர்வாக அதிகாரி Steve Huffman, சமீபத்திய போட்காஸ்ட் ஒன்றில், “AI மூலம் உருவாக்கப்படும் உள்ளடக்கங்கள் அதிகரித்து வருகின்றன. இதனால் உண்மையான பயனர்களின் ஈடுபாடு பாதிக்கப்படுகிறது. அதனைத் தடுக்க, மனிதர்களின் இருப்பை உறுதிப்படுத்தும் புதிய முறைகளை ஆராய்ந்து வருகிறோம்” என்று தெரிவித்துள்ளார்.
மேலும், “Reddit-இன் அடையாளமே பயனரின் அடையாளம் தெரியாமல் இருப்பது தான் (anonymity). அதனை பாதிக்காமல், Face ID போன்ற முறைகள் மூலம் பயனர்களின் உண்மைத்தன்மையை உறுதிப்படுத்துவதே எங்கள் நோக்கம்” என்று அவர் தெரிவித்துள்ளார்.
இந்த முயற்சி, சமூக வலைத்தளங்களில் AI-generated content அதிகரிப்பால் உருவாகும் சவால்களை சமாளிக்க உதவும். பயனர்கள் தங்கள் தனியுரிமையை இழக்காமல், தளத்தில் உண்மையான மனிதர்களின் பங்களிப்பு அதிகரிக்கப்படும் என Reddit நம்புகிறது.
தற்போது, பல சமூக வலைத்தளங்கள் போலியான கணக்குகள் மற்றும் தானியங்கி ‘பாட்கள்’ காரணமாக சிக்கல்களை சந்தித்து வருகின்றன.
Reddit-இன் புதிய முயற்சி, சர்வதேச அளவில் சமூக வலைத்தள பாதுகாப்பு மற்றும் உண்மையான பயனர் ஈடுபாடு ஆகியவற்றை வலுப்படுத்தும் வகையில் முக்கியத்துவம் பெறுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Reddit Face ID Verification, Reddit Anti-Bot Strategy, Biometric Login Social Media, AI Content Control Reddit, Touch ID Reddit #RedditUpdate #FaceID #TechNews #AIContent
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
