ரிஷி சுனக் மாமனாரின் வார்த்தைகளை கடைப்பிடிக்கவில்லை., பரவும் மீம்ஸ்

ரிஷி சுனக் அவரது மாமனார் இன்ஃபோசிஸ் நாராயண மூர்த்தியின் வார்த்தைகளைக் கடைபிடிக்காததால் தான் தேர்தலில் தோல்வியடைந்ததாக மீம்ஸ்கள் பரவிவருகின்றன.

பிரித்தானிய பொதுத் தேர்தலில் இந்திய வம்சாவளியைச் சேர்ந்த ரிஷி சுனக்கின் பழமைவாதக் கட்சி படுதோல்வி அடைந்தது.

கனடாவில் சர்வதேச மாணவர்களுக்கு நிரந்தர வதிவிட உத்தரவாதம் இல்லை!

ரிஷி சுனக், தொழில்நுட்ப நிறுவனமான இன்ஃபோசிஸ் (Infosys) இணை நிறுவனர் நாராயண மூர்த்தியின் மருமகன் என்பது தெரிந்ததே.

இந்நிலையில், நாராயண மூர்த்தியின் சில சர்ச்சையான கருத்துக்களை மேற்கோள் காட்டி சமூக வலைதளங்களில் மீம்ஸ் வைரலாக்கப்பட்டு வருகிறது.

இந்தியா சர்வதேச அளவில் போட்டியிட வேண்டுமானால், நமது இளைஞர்கள் வாரத்தில் 70 மணிநேரம் வேலை செய்யத் தயாராக இருக்க வேண்டும் என்று கடந்த ஆண்டு அக்டோபர் மாதம் நாராயண மூர்த்தி கூறிய கருத்து குறித்து ஆன்லைனில் சூடான விவாதம் நடந்தது.

மூர்த்தியின் கருத்துக்களை மேற்கோள் காட்டி, மருமகன் ரிஷி சுனக் அவரது ஆலோசனையைப் பின்பற்றவில்லை என்று சமூக ஊடக பயனர்கள் மீம்ஸ் மூலம் வெடித்து வருகின்றனர்.

ஐக்கிய அரபு அமீரகத்தில் லொட்டரியில் ரூ.22 கோடி வென்ற இந்தியர்!

ரிஷி சுனக் வாரத்தில் 70 மணி நேரம் வேலை செய்வதில்லை என்று நெட்டிசன்கள் கேலி செய்து வருகின்றனர்.

தேர்தலில் தோல்வியடைந்த பிரித்தானியாவின் முன்னாள் பிரதமர் ரிஷி சுனக் வாரத்தில் 70 மணி நேரம் வேலை செய்யாததால் தான் இந்த நிலை ஏற்பட்டதாக பயனர் ஒருவர் புகைப்படத்துடன் மீம் ஒன்றை உருவாக்கியுள்ளார்.

இதேபோல், பல பயனர்கள் நாராயண மூர்த்தியின் கருத்துக்களை மேற்கோள் காட்டி சமூக ஊடகங்களில் பதிவிட்டனர்.

இதனிடையே, வியாழக்கிழமை நடைபெற்ற பிரித்தானிய நாடாளுமன்றத் தேர்தலில் தொழிலாளர் கட்சி அபார வெற்றி பெற்றது.

வெள்ளியன்று நடந்த தேர்தல் முடிவுகளில் 412 இடங்களில் வெற்றி பெற்றது. இதன் மூலம் பிரித்தானியாவின் அடுத்த பிரதமராக தொழிலாளர் கட்சியின் தலைவரான கெய்ர் ஸ்டார்மர் (Keir Starmer) நியமிக்கப்பட்டார்.

கூகுளை விட 10 மடங்கு தகவல்., புதிய கருவியுடன் அசத்தும் இஸ்ரோ

கெய்ர் ஸ்டார்மரின் நியமனத்திற்கு பிரித்தானிய மன்னர் மூன்றாம் சார்லஸ் ஒப்புதல் முத்திரையை அளித்துள்ளார்.

தேர்தல் முடிவுகள் அறிவிக்கப்பட்டவுடன், கெய்ர் ஸ்டோர்மர் வெள்ளிக்கிழமை பக்கிங்ஹாம் அரண்மனையில் மன்னர் மூன்றாம் சார்லஸை மரியாதை நிமித்தமாகச் சந்தித்தார். கெய்ர் ஸ்டோர்மர் ஒரு புதிய அரசாங்கத்தை அமைக்க மன்னர் மூன்றாம் சார்லஸ் அழைப்பு விடுத்துள்ளார்.