விஜயகாந்த் பெயரில் சாலை, விருது: தமிழ்நாடு அரசுக்கு தமிழ் திரைப்பட பத்திரிகையாளர் சங்கம் கோரிக்கை

கேப்டன் விஜயகாந்த் மறைவை தொடர்ந்து தமிழ்நாடு அரசுக்கு தமிழ் திரைப்பட பத்திரிகையாளர் சங்கம் முக்கிய கோரிக்கை முன்வைத்துள்ளது.

தமிழ் திரைப்பட பத்திரிகையாளர் சங்கம்

தேமுதிக தலைவர் கேப்டன் விஜயகாந்த் நேற்று காலை உயிரிழந்ததை தொடர்ந்து அவரது உடல், பொதுமக்கள், திரைத்துறையினர் மற்றும் அரசியல் தலைவர்கள் அஞ்சலி செலுத்துவதற்காக சென்னை  தீவுத்திடலில் வைக்கப்பட்டு இருந்தது.

இன்று மாலை 4.45 மணியளவில் கேப்டன் விஜயகாந்த் உடல் நல்லடக்கம் செய்யப்படும் என்று அறிவிக்கப்பட்டு இருந்த நிலையில், கேப்டன் விஜயகாந்த் உடலின் இறுதி ஊர்வலமானது தொடங்கியுள்ளது.

இந்நிலையில் கேப்டன் விஜயகாந்த் மறைவை தொடர்ந்து தமிழ்நாடு அரசுக்கு தமிழ் திரைப்பட பத்திரிகையாளர் சங்கம் முக்கிய கோரிக்கை முன்வைத்துள்ளது.

இது தொடர்பாக வெளியான அறிக்கையில், விஜயகாந்த மறைவுக்கு தமிழ் திரைப்பட பத்திரிகையாளர்கள்  சங்கம்  சார்பில் நேரில் அஞ்சலி செலுத்தப்பட்டது. அவரை இழந்து வாடும் குடும்பத்தாருக்கு  ஆறுதலை தெரிவித்துக் கொள்கிறோம்.

சுயநினைவு இல்லாமல் இருந்தேன்.,விஜயகாந்த் வந்த 5 நிமிடத்தில் எல்லாம் மாறியது: ரஜினிகாந்த் உருக்கம்

இந்நிலையில் தமிழ் திரை உலகில் முன்னணி கதாநாயகனாக சுமார் 40 ஆண்டு காலம், தேசிய முற்போக்கு திராவிட கழகத்தை  ஆரம்பித்து தமிழக அரசியலில்  18 ஆண்டு காலமும் சிறப்பாக செயல்பட்டவரும், தமிழக சட்டப்பேரவையில் இரண்டு முறை உறுப்பினராகவும், ஒரு முறை எதிர் கட்சி தலைவராகவும் இருந்த கேப்டன் விஜயகாந்த் அவர்களுக்கு எங்கள் சங்கம் சார்பில் தமிழ்நாடு அரசுக்கு முக்கியமான 3 கோரிக்கைகள் கீழ் வருமாறு வைக்கிறோம்.

கோரிக்கைகள்

1. மறைந்த திரு.'கேப்டன்' விஜயகாந்த் அவர்கள் வசித்து வந்த சென்னை சாலிகிராமம் அல்லது விருகம்பாக்கம்  பகுதியில்  உள்ள பிரதான சாலைக்கு 'கேப்டன்' விஜயகாந்த் சாலை அல்லது 'புரட்சிக்கலைஞர்' விஜயகாந்த் சாலை என பெயரிட வேண்டும்.

2. தமிழக அரசால் வழங்கப்படும் திரைத்துறை விருதுகளில், இனி 'கேப்டன்' விஜயகாந்த் விருது அல்லது 'புரட்சிக்கலைஞர்' விஜயகாந்த் பெயரில் சிறப்பான விருது வழங்க ஆவண செய்ய வேண்டும் .

3.  மறைந்த திரு.'கேப்டன்' விஜயகாந்த் அவர்கள் பிறந்த மதுரை மாவட்ட தலைநகரான மதுரையில் 'கேப்டன்' விஜய்காந்த் அவர்களின் முழு உருவ சிலை ஒன்றை அரசு சார்பில் நிறுவ வேண்டும். 

அஞ்சலி செலுத்த வந்த நடிகர் விஜய் மீது செருப்பு வீச்சு? வைரல் வீடியோவால் ரசிகர்கள் அதிர்ச்சி

திரைத் துறையிலும் அரசியலிலும் கேப்டன் விஜயகாந்த் அவர்கள் செய்த காலத்தால் அழியாத சாதனைகளை பறை சாற்றும் விதமாக,  இந்த கோரிக்கைகளை தமிழக முதல்வர். திரு ஸ்டாலின் அவர்கள், விளையாட்டுத்துறை அமைச்சர் திரு. உதயநிதி அவர்கள், மற்றும் செய்தித் துறை அமைச்சர் திரு. வெள்ளக்கோயில் சாமிநாதன் அவர்கள், சென்னை மேயர் திருமதி ப்ரியா ஆகியோருக்கு வேண்டு கோளாக முன் வைக்கிறோம் என சங்க தலைவர் கவிதா, செயலாளர் கோடங்கி ஆபிரகாம், பொருளாளர் ஒற்றன் துரை இணைந்து அறிக்கை வெளியிட்டுள்ளனர்.