லங்காசிறி FM
டி20 உலக கோப்பை: வருத்தம் தெரிவித்த ரோகித் சர்மா: மனம் திறந்த சஞ்சு சாம்சங்!
ஐசிசி டி20 உலக கோப்பையில் வாய்ப்பு வழங்க முடியாமல் போனது குறித்து கேப்டன் ரோகித் சர்மா தன்னிடம் வருத்தம் தெரிவித்ததாக இந்திய கிரிக்கெட் அணி வீரர் சஞ்சு சாம்சன் தெரிவித்துள்ளார்.
டி20 உலக கோப்பை 2024
சில மாதங்களுக்கு முன்பு நடந்து முடிந்த டி20 ஆடவர் உலக கோப்பை கிரிக்கெட் போட்டியில் இந்தியா சாம்பியன் பட்டம் வென்றது.
இந்த தொடரில் தென்னாப்பிரிக்க அணியை இறுதியில் எதிர்கொண்ட இந்திய அணி 7 ஓட்டங்கள் வித்தியாசத்தில் அபார வெற்றி அசத்தியது.
50 ஓவர்கள் உலக கோப்பை இறுதிப் போட்டியில் வெற்றியை நூழிலையில் நழுவவிட்ட இந்திய அணிக்கு, இந்த டி20 உலக கோப்பை வெற்றி உற்சாகத்தை ஏற்படுத்தியுள்ளது.
மனம் திறந்த சஞ்சு சாம்சங்
இந்நிலையில் டி20 உலக கோப்பை தொடரில் இந்திய அணியில் இடம் பெற்றிருந்த இளம் வீரர் சஞ்சு சாம்சங் ரோகித் சர்மாவுடன் நிகழ்ந்த உரையாடல் குறித்து மனம் திறந்துள்ளார்.
அதில், டி20 உலக கோப்பையின் இறுதிப் போட்டியில் நீங்கள் விளையாட வாய்ப்புள்ளது, எனவே எல்லாவற்றிக்கும் தயாராக இருக்குமாறு என்னிடம் ரோகித் சர்மா கூறினார்.
ஆனால் கடைசியில் முந்தைய போட்டியில் விளையாடிய அதே 11 பேர் விளையாடலாம் என்று முடிவு செய்யப்பட்டது.
பின்னர், நாணய சுழற்சிக்கு பிறகு என்னிடம் பேசிய ரோகித் சர்மா நான் அணியில் இடம் பெற முடியாதது குறித்து என்னிடம் வருத்தம் தெரிவித்தார் என சமீபத்திய நேர்காணல் ஒன்றில் சஞ்சு சாம்சங் தகவல் தெரிவித்துள்ளார்.
சஞ்சு சாம்சங் சமீபத்தில் வங்கதேச அணியுடன் நடந்த டி20 போட்டியில் சதம் விளாசி அசத்தியது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
