கொலை மிரட்டல் விடுத்த மேகன் மார்க்கல் ரசிகர்கள்; பதறும் ராயல் நிபுணர்
மேகன் மார்க்ல் ரசிகர்களிடமிருந்து கொலை மிரட்டல் வந்ததாக ராயல் நிபுணர் கமிலா டோமினி தெரிவித்துள்ளார்.
கமிலா டோமினி (Camilla Tominey) ஒரு பிரித்தானிய ராயல் குடும்ப வர்ணனையாளர் ஆவர். அவர் தற்போது தி டெய்லி டெலிகிராப்பின் இணை ஆசிரியராக, அரசியல் மற்றும் அரச குடும்பத்தைப் பற்றிய செய்திகளை எழுதுகிறார்.
மேலும், அவர் பிரபல பிரித்தானிய தொலைகாட்சி ஒன்றில் 'திஸ் மார்னிங்' எனும் நிகழ்ச்சியில் சமீபத்திய அரச செய்திகளைப் பற்றி விவாதித்து வருகிறார்.
சமீபத்தில், இந்த நிகழ்ச்சியில் அவர், மேகன் மார்க்கல் எழுதிய வெளியிட்ட 'தி பெஞ்ச்' (The Bench) என்ற குழந்தைகள் புத்தகத்தைப் பற்றி விமர்சித்து பேசியிருந்தார். குறிப்பாக, இந்த புத்தகத்திற்கு 2 வயது குழந்தையான "ஆர்ச்சி ஒரு தீவிரமான வாசகர்" என்று மேகன் கூறியதைப் பற்றி "இது ஒரு சுவாரஸ்யமான கூற்று" என்று விமர்சித்துள்ளார்.
இந்த நிகழ்ச்சி வைரலானதைத் தொடர்ந்து, அவருக்கு தொடர்ந்து பல மிரட்டல்கள் விடுக்கப்பட்டு அச்சுறுத்தபட்டிருப்பதாக அவர் கூறினார்.
F***you@yahoo.com என்ற மின்னஞ்சல் முகவரியிலிருந்து தனக்கு அனுப்பப்பட்ட மின்னஞ்சலின் ஸ்கிரீன் ஷாட்டை அவர் தனது ட்வீட்டர் பக்கத்தில் பகிர்ந்துகொண்டார்.
அதில் "உங்கள் மூன்று குழந்தைகளையும் வெறுக்கிறோம், அவர்கள் மூச்சு விடக்கூடாது, அவர்கள் இறக்க வேண்டும்! நாங்கள் உன்னையும் உன்னைச் சுற்றி இருக்கும் அனைத்தையும் பார்த்துக் கொண்டிருக்கிறோம். உன்னுடைய கணவரால் எல்லா நேரங்களிலும் உன் குழந்தைகளைப் பார்க்க முடியாது.
உங்கள் அனைவரையும் எங்கு பிடிக்கமுடியும் என்பது எங்களுக்குத் தெரியும். நாங்கள் பொய் சொல்லவில்லை, நாங்கள் செயல்படுகிறோம். நாங்கள் கொலை செய்ய விரும்புகிறோம்" என்று மொத்த குடும்பத்திற்கும் மிரட்டல் விடுக்கப்பட்டுள்ளது.
இந்த மிரட்டல்களுக்கு பதிலடி கொடுக்கும் விதமாக பதிவிட்ட கமிலா "இந்த மோசமான நயவஞ்சகர்களால் ஒருபோதும் கவலைப்பட மாட்டேன்" என கூறினார். மேலும் தனது ஆதரவாளர்களிடம் "உங்கள் அனுதாபத்தை நான் விரும்பவில்லை - இது தவறு என்று சொல்வதில் மட்டும் உங்கள் ஆதரவை நான் விரும்புகிறேன்" என்று கேட்டுக்கொண்டார்.