ராஜ குடும்பத்தில் மீண்டும் ஒரு பிரிவு: காதலியைப் பிரிந்தார் இளவரசர்

பிரித்தானிய ராஜ குடும்பத்தில் மீண்டும் ஒரு தம்பதியர் பிரிந்துள்ள விடயம் கவலையை உருவாக்கியுள்ளது.

பிரிந்த தம்பதியர்

பிரித்தானிய ராஜ குடும்பத்தில், மனைவியைப் பிரிந்த முதல் நபர், மன்னர் எட்டாவது ஹென்றி. 1533ஆம் ஆண்டு, Catherine என்னும் தன் மனைவியைப் பிரிந்து Anne Boleyn என்னும் பெண்ணைத் திருமணம் செய்துகொண்டார் ஹென்றி.

விக்டோரியா மகாராணியின் பேத்தியான இளவரசி விக்டோரியா, 1901ஆம் ஆண்டு தனது கணவரான Ernest Louis என்பவரை விவாகரத்து செய்தார். ஹென்றி தன் மனைவியை விரட்டிவிட்டு வேறொரு பெண்ணை மணந்ததால், விக்டோரியாதான் முறைப்படி விவாகரத்து செய்த முதல் ராஜ குடும்ப உறுப்பினர் ஆகிறார்.

மறைந்த மகாராணி இரண்டாம் எலிசபெத்தின் தங்கையான இளவரசி மார்கரட், 1978ஆம் ஆண்டு தன் கணவரான Antony Armstrong-Jonesஐப் பிரிந்தார். அதற்கு முன்பே அவர் Roddy Llewellyn என்பவரை ரகசியமாக காதலித்துவந்ததாக கூறப்படுகிறது.

1992ஆம் ஆண்டு தன் மனைவியாகிய இளவரசி டயானாவைப் பிரிந்த சார்லஸ், 1996ஆம் ஆண்டு முறைப்படி அவரை விவாகரத்து செய்தார்.

மன்னர் சார்லசுடைய தங்கையான இளவரசி ஆன், தனது கணவரான மார்க் பிலிப்ஸை 1989ஆம் ஆண்டு பிரிந்தார். 1992ஆம் ஆண்டு இருவரும் முறைப்படி விவாகரத்து செய்து பிரிந்தார்கள்.

அதே ஆண்டில், அதாவது, 1992ஆம் ஆண்டு, மன்னர் சார்லசுடைய தம்பியான இளவரசர் ஆண்ட்ரூவும் அவரது மனைவியான சாரா பெர்குசனும் பிரிந்தார்கள்.

மறைந்த ராணி எலிசபெத்தின் உறவினர்களில் ஒருவரான Lady Davina Windsor, 2018ஆம் ஆண்டு தனது கணவரான Gary Christie Lewisஐப் பிரிந்தார்.

இளவரசி ஆனுடைய மகன்களில் ஒருவரான David Armstrong-Jones, 2020ஆம் ஆண்டு தனது மனைவியான Serena Armstrong-Jonesஐ விவாகரத்து செய்தார்.

இளவர்சி ஆனுடைய மற்றொரு மகனான Peter Phillips, தன் சகோதார் David தன் மனைவியை பிரிந்த அதே 2020 பிப்ரவரியில் தான் தன் மனைவியான Autumn Phillipsஐ பிரிவதாக அறிவித்தார். இருவரும் 2021ஆம் ஆண்டு விவாகரத்து செய்து பிரிந்தார்கள்.

2021ஆம் ஆண்டு தனது மனைவியான Autumn Phillipsஐ விவாகரத்து செய்த Peter Phillips, தன் சகோதரியான Zara Tindallஇன் வகுப்புத் தோழியான Lindsay Wallaceஐ காதலிக்கத் துவங்கினார். மூன்று ஆண்டுகள் இருவரும் காதலித்துவந்த நிலையில், தற்போது இருவரும் பிரிவதாக அறிவித்துள்ளார்கள்.