அரச குடும்பத்தில் தரம் தாழ்த்தப்பட்ட ஹரி-மேகன்! ராணியின் மரணத்திற்கு பிறகு புதுப்பிக்கப்பட்ட அதிகாரபூர்வ வலைப்பக்கம்

பிரித்தானிய ராணி இரண்டாம் எலிசபெத்தின் மரணத்தைத் தொடர்ந்து அரச குடும்பத்தின் அதிகாரப்பூர்வ வலைப்பக்கம் புதுப்பிக்கப்பட்டது.

சசெக்ஸ் இளவரசரரும் இளவரசியுமான ஹரி மற்றும் மேகன் முன்பு வலைபக்கத்தின் பாதியில் காணப்பட்டனர்.

இளவரசர் ஹரி மற்றும் மேகன் மார்க்கலுக்கு புதிய அடியாக, அரச குடும்பத்தின் அதிகாரப்பூர்வ இணையதளத்தில் இருவரும் தரமிறக்கப்பட்டுள்ளனர். அவர்களுக்கு கீழே இளவரசர் ஆண்ட்ரூ மட்டுமே உள்ளார். இது அவர்களை மிகவும் அவமானப்படுத்தப்படும் விடயமாக பார்க்கப்படுகிறது.

ஹரியும் மேகனும் 2020-ஆம் ஆண்டின் தொடக்கத்தில் தங்கள் அரச பொறுப்புக்களை தவிர்த்துவிட்டு, மகன் ஆர்ச்சி ஹரிசனுடன் இங்கிலாந்தில் இருந்து அமெரிக்காவிற்கு இடம்பெயர்வதாக அறிவித்தனர்.

அந்த நேரத்தில் பக்கிங்ஹாம் அரண்மனை ஒரு அறிக்கையை வெளியிட்டது, தம்பதியினர் பின்னர் அரச குடும்பத்தின் உழைக்கும் உறுப்பினர்களாக தங்கள் பாத்திரங்களைத் துறப்பார்கள் என்று தெரிவித்தது.

அவர்கள் பிரித்தானியாவை விட்டு வெளியேறியது பிரபலமாக 'மெக்சிட்' என்று அழைக்கப்படுகிறது. அதையடுத்தும் கடந்த இரண்டரை ஆண்டுகளில் ஹரியும் மேகனும் ஒரு சில சந்தர்ப்பங்களில் மட்டுமே பிரித்தானியாவுக்கு திரும்பினர்.

தரமிறக்கப்பட்ட ஹரி-மேகன் தம்பதி 

இப்போது, மன்னர் மூன்றாம் சார்லஸ் ஹரி-மேகனின் குழந்தைகளான ஆர்ச்சி மற்றும் லிலிபெட் ஆகியோரை இளவரசர் மற்றும் இளவரசி என்று அழைக்க முடியுமா என்பதை உறுதிப்படுத்த இந்த ஜோடி காத்திருக்கும் இந்த தருணத்தில், அவர்களுக்கு ஒரு புதிய அடி ஏற்பட்டுள்ளது.

அரச குடும்ப இணையதளத்தில் (Royal Family website) குடும்ப உறுப்பினர்கள் பிரிவில் இருவரும் தரமிறக்கப்பட்டுள்ளனர், ராணியின் உறவினரான இளவரசி அலெக்ஸாண்ட்ராவுக்கும் கீழே ஹரியும் மேகனும் உள்ளனர்.

ஹரியும் மேகனும் இப்போது அவர்களுக்கு மேலே தோன்றுபவர்களைப் போலல்லாமல், இனி அரச குடும்பத்தைச் சேர்ந்தவர்கள் அல்ல என்பதால் இந்த மாற்றம் செய்யப்பட்டுள்ளது என்று அரச வட்டாரம் தெரிவித்துள்ளது.

கடந்த திங்கட்கிழமை (செப். 19) வெஸ்ட்மின்ஸ்டர் அபேயில் நடந்த குயின்ஸ் அரசு இறுதிச் சடங்கில், விழாவின் போது ஹரியும் மேகனும் இரண்டாவது வரிசையில் அமர்ந்திருந்தனர்.

ஜூன் மாதம் செயின்ட் பால்ஸ் கதீட்ரலில் நடந்த ராணி எலிசபெத்தின் பவள விழா சேவையில், ராணியின் உறவினர்களான கென்ட் மற்றும் க்ளௌசெஸ்டர் பிரபுக்களுக்குப் பின்னால் ஹரி-மேகன் தம்பதியர் அமர்ந்திருந்தனர்.

வேல்ஸ் இளவரசர், வேல்ஸ் இளவரசர் ஜார்ஜ், வேல்ஸின் இளவரசி சார்லோட் மற்றும் வேல்ஸின் இளவரசர் லூயிஸ் ஆகியோருக்குப் பின்னால், ஹரி வாரிசு வரிசையில் ஐந்தாவது இடத்தில் இருக்கிறார்.

கென்ட்டின் இளவரசர் மைக்கேல் மற்றும் மனைவி மேரி-கிறிஸ்டின் வலை பக்கத்திலிருந்து முழுவதுமாக நீக்கப்பட்டனர்.

ஆர்ச்சி மற்றும் லிலிபெட்

ராயல் ஃபேமிலி இணையதளத்தின் 'வாரிசு' பிரிவில், ஹரியின் குழந்தைகள் இன்னும் 'மாஸ்டர் ஆர்ச்சி மவுண்ட்பேட்டன்-வின்ட்சர்' மற்றும் 'மிஸ் லிலிபெட் மவுண்ட்பேட்டன்-வின்ட்சர்' என்று பட்டியலிடப்பட்டுள்ளனர்.

ஒரு நூற்றாண்டுக்கு முன்பு 1917-ல் மன்னர் ஐந்தாம் ஜார்ஜ் அமைத்த விதிகளின்படி, இந்த மாத தொடக்கத்தில் ராணி இறந்ததிலிருந்து, ஆர்ச்சி மற்றும் லிலிபெட் தொழில்நுட்ப ரீதியாக ஒரு இளவரசர் மற்றும் இளவரசியாக தானாவே பட்டம் பெற்றிருக்கவேண்டும். ஆனால்ம் அவ்வறை எதுவும் இதுவரை நடக்கவில்லை.