11 ஓவர்களாக குறைக்கப்பட்ட போட்டி- மும்பை இந்தியன்ஸை வீழ்த்திய ராஜஸ்தான் ராயல்ஸ்

கவுஹாத்தி ACA பர்சபரா மைதானத்தில் புதன்கிழமை நடைபெற்ற IPL 2026 தொடரின் 13-வது போட்டி, மழை காரணமாக 11 ஓவர்களாக குறைக்கப்பட்டது.

இதில் ராஜஸ்தான் ராயல்ஸ் (RR) அசத்தலான ஆட்டத்தால் மும்பை இந்தியன்ஸை (MI) வீழ்த்தியது.

மின்நிலையங்கள், பாலங்களை காக்க மனித சங்கிலிகளாக உருவெடுத்த ஈரானியர்கள்

முதலில் துடுப்பாடிய ராஜஸ்தான், 11 ஓவர்களில் 3விக்கெட் இழப்பிற்கு 150 ஓட்டங்கள் குவித்தது. யஷஸ்வி ஜெய்ஸ்வால் 32 பந்துகளில் 77 ஓட்டங்கள் அடித்து மும்பை பந்துவீச்சை சிதறடித்தார்.

இளம் வீரர் வைபவ் சூர்யவன்ஷி 14 பந்துகளில் 39 ஓட்டங்கள் அடித்து ஜஸ்ப்ரீத் பும்ராவை இரண்டு சிக்ஸர்களால் தாக்கினார். கேப்டன் ரியான் பராக் 20 ஓட்டங்கள் சேர்த்தார்.

இதனையடுத்து விளையாடிய மும்பை இந்தியன்ஸ், ராஜஸ்தான் பந்துவீச்சுக்கு முற்றிலும் சரிந்தது. ஜோஃப்ரா ஆர்ச்சர், சண்டீப் சர்மா, நாண்ட்ரே பர்கர் ஆகியோர் தொடக்கத்தில் ரோஹித் சர்மா, சூர்யகுமார் யாதவ், ரிக்கெல்டன் ஆகியோரை விரைவில் வெளியேற்றினர்.

ஹர்திக் பாண்டியா, திலக் வர்மா ஆகியோரும் குறைந்த ஓட்டங்களில் வெளியேறினர்.

நமன் தீர் மற்றும் ஷெர்ஃபேன் ரதர்ஃபோர்ட் தலா 25 ஓட்டங்கள் சேர்த்து சிறிது எதிர்ப்பு காட்டினாலும், ராஜஸ்தான் பந்துவீச்சாளர்கள் அவர்களை விரைவில் வெளியேற்றினர்.

இறுதியில் மும்பை அணி 11 ஓவர்களில் 9 விக்கெட்டுகளை இழந்து 123 ஓட்டங்கள் மட்டுமே எடுத்து தோல்வியடைந்தது.

இந்த வெற்றியால் ராஜஸ்தான் ராயல்ஸ் அணி தொடரில் தங்களது அபாரமான தொடர் வெற்றிகளைத் தொடர்ந்து, புள்ளிப்பட்டியலில் முன்னிலை வகிக்கிறது.

அமெரிக்காவுடன் பேச்சுவார்த்தைக்கான அனைத்து வழிகளையும் மூடிய ஈரான்- பதற்றத்தில் உலகம்

#IPL2026 #RRvsMI #RajasthanRoyals #MumbaiIndians #YashasviJaiswal #VaibhavSooryavanshi #RainHitMatch #CricketHighlights