லங்காசிறி FM
தென்காசியில் உள்ள சிறிய கிராமத்தில் இயங்கும் ரூ.50000 கோடி மதிப்புள்ள இந்திய நிறுவனம்
மென்பொருள் மேம்பாட்டுத் துறையில் சிறந்து விளங்கும் Zoho நிறுவனம் தென்காசியில் உள்ள சிறிய கிராமத்தில் இயங்கி வருகிறது.
Zoho Corporation
Zoho கார்ப்பரேஷன் மென்பொருள் மேம்பாட்டுத் துறையில் முக்கியமானது ஆகும். இதன் நிறுவனரான ஸ்ரீதர் வேம்பு (Sridhar Vembu) வணிக உலகில் ஒரு முக்கிய நபராகிவிட்டார்.
இவர், வெளிநாட்டில் படிக்கவும், தனியார் வேலையில் சேரவும் கடினமாக உழைத்தார். பின்னர் இந்தியாவுக்குத் திரும்பி அங்கு அவர் தனது சொந்த மென்பொருள் சாம்ராஜ்யத்தை உருவாக்கினார்.
பெரும்பாலான மக்கள் கிராமங்களில் இருந்து நகரங்களுக்கும், பின்னர் சிறந்த வாய்ப்புகளுக்காக வெளிநாடுகளுக்கும் செல்வார்கள். ஆனால், ஸ்ரீதர் வேம்பு இந்தப் போக்கை மாற்றினார்.
அவர் அமெரிக்காவை விட்டு வெளியேறி தமிழ்நாட்டின் ஒரு சிறிய கிராமத்திற்குத் திரும்பினார். அங்கிருந்து தனது பில்லியன் டொலர் நிறுவனத்தை இப்போது நடத்துகிறார்.
Zoho நிறுவனத்தின் தலைமையகம் சென்னையில் உள்ளது. ஆனால் அதற்கு 630 கிலோமீட்டர் தொலைவில், தென்காசிக்கு அருகிலுள்ள தொலைதூர கிராமமான மத்தளம்பாறையில் ஒரு செயற்கைக்கோள் அலுவலகத்தை ஸ்ரீதர் வேம்பு அமைத்தார்.
இந்த முயற்சியின் மூலம், அவர் தனது நிறுவனத்தை வளர்ப்பது மட்டுமல்லாமல், சமூக வளர்ச்சியை ஊக்குவித்து கிராமப்புறத்தையும் மாற்றுகிறார். இதுதான் அவருக்கு இந்தியாவின் 72வது குடியரசு தினத்தில் மதிப்புமிக்க பத்மஸ்ரீ விருதைப் பெற்றுத்தந்தது.
இதுகுறித்து அவர் பேட்டி ஒன்றில் கூறுகையில், சென்னைக்கு வெளியில் இருந்து ஊழியர்களை வேலைக்கு அமர்த்தத் தொடங்கியபோது இந்த யோசனை வந்ததாக தெரிவித்திருந்தார்.
இதற்காக அவர் அடிப்படை வசதிகள் கொண்ட ஒரு சிறிய நகரத்தைத் தேடினார். அதற்கு தென்காசி சரியான தெரிவாக தோன்றியுள்ளது.
முதலில் தென்காசியில் ஒரு சிறிய அலுவலகத்தை வாடகைக்கு எடுத்து ஆரம்பித்துள்ளார். பின்னர் மத்தளம்பாறையில் ஒரு பழைய தொழிற்சாலையை வாங்கி, அதை தொழில்நுட்ப வளாகமாக மாற்றினார்.
இதையடுத்து, அவர் ஜோஹோ ஸ்கூல் ஆஃப் லேர்னிங்கைத் (Zoho School of Learning) தொடங்கினார். அங்கு உயர்நிலைப் பள்ளி மற்றும் டிப்ளமோ மாணவர்கள் பல்வேறு திறன்களில் பயிற்சி பெறுகிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கொக்குவில் கிழக்கு, Dortmund, Germany, London, United Kingdom
16 Feb, 2025
பருத்தித்துறை, ஓமான், Oman, India, London, United Kingdom
06 Mar, 2024
