ஜேர்மனிக்கு எண்ணெய் வழங்க ரஷ்யாவிடம் அனுமதி கோரியுள்ள நாடு
ஜேர்மனிக்கு எண்ணெய் வழங்க, கஜகஸ்தான் நாடு ரஷ்யாவிடம் அனுமதி கோரியுள்ளதாக ஒரு தகவல் வெளியாகியுள்ளது.
நட்பு எண்ணெய்க்குழாய்
The Druzhba pipeline என்பது உலகின் நீளமான எண்ணெய் விநியோகிக்கும் குழாய் ஆகும். அதன் பொருள் நட்பு எண்ணெய்க்குழாய் என்பதாகும். ஐரோப்பிய ரஷ்யாவில் துவங்கும் இந்தக் குழாய், உக்ரைன், பெலாரஸ், ஆஸ்திரியா மற்றும் ஜேர்மனி வழியாக பயணிக்கிறது.
தற்போது, ஜேர்மனிக்கு எரிவாயு விநியோகிப்பதற்காக இந்த குழாயைப் பயன்படுத்திக்கொள்ள கஜகஸ்தான் நாடு ரஷ்ய நிறுவனமான Transneftஇடம் அனுமதி கோரியுள்ளது.
2023ஆம் ஆண்டில் ஜேர்மனிக்கு எண்ணெய் வழங்கத் திட்டம்
கஜகஸ்தான் நாடு 2023ஆம் ஆண்டில் ஜேர்மனிக்கு 1.2 மில்லியன் டன் எண்ணெய் வழங்க முடிவு செய்துள்ளது. அந்த எண்ணெயை ரஷ்ய எண்ணெய்க்குழாய் வழியாக அனுப்ப கஜகஸ்தான் நாடு ரஷ்ய நிறுவனமான Transneftஇடம் அனுமதி கோரியுள்ளது.
உக்ரைன் மீது ரஷ்யா போர் தொடுத்ததைத் தொடர்ந்து, ரஷ்யா மீது தடைகள் விதித்ததன் ஒரு பகுதியாக, ரஷ்ய எண்ணெயை வாங்குவதில்லை என ஐரோப்பிய ஒன்றியம் உறுதிபூண்டுள்ளது.
ஆனால், இந்த The Druzhba pipeline, அந்த தடைகளுக்கு உட்பட்டதல்ல.
என்றாலும், ரஷ்யாவின் ஆற்றல் அமைச்சகம் அனுமதியளித்தால்தான், கஜகஸ்தான் அந்த எண்ணெய்க்குழாய் மூலம் ஜேர்மனிக்கு எண்ணெய் விநியோகிக்க முடியும் என்பது குறிப்பிடத்தக்கது.