லங்காசிறி FM
ஹோர்முஸ் ஜலசந்தி போக்குவரத்து... பிரான்சின் திட்டம் எடுபடாது: ரஷ்யா விமர்சனம்
ஹோர்முஸ் ஜலசந்தியில் மீண்டும் கப்பல் போக்குவரத்தை இயல்பு நிலைக்குக் கொண்டுவர உலக நாடுகள் பல முயற்சி செய்துவருகின்றன.
குறிப்பாக, பிரான்ஸ் ஜனாதிபதியான இமானுவல் மேக்ரானும், பிரித்தானிய பிரதமரான கெய்ர் ஸ்டார்மரும், இன்று பிரான்ஸ் தலைநகர் பாரீஸில், ஹோர்முஸ் ஜலசந்தியில் மீண்டும் கப்பல் போக்குவரத்தை இயல்பு நிலைக்குக் கொண்டுவருவது தொடர்பில் மாநாடு ஒன்றை தலைமையேற்று நடத்த உள்ளார்கள்.
ரஷ்யா விமர்சனம்
இந்நிலையில், ஹோர்முஸ் ஜலசந்தியில் கப்பல் போக்குவரத்தை மீட்டெடுப்பதற்காக பிரான்சும் பிரிட்டனும் முன்மொழிந்துள்ள திட்டம் செயல்படுத்த முடியாத திட்டம் என ரஷ்யா விர்சித்துள்ளது.
திட்டத்தை செயல்படுத்துவது தொடர்பிலான யோசனைகளை, ஈரான் உட்பட போரிடும் தரப்பினருடன் பகிர்ந்துகொள்ள பிரான்ஸ் எந்த முயற்சியும் மேற்கொள்ளவில்லை என்று கூறியுள்ளார் ரஷ்ய வெளியுறவு அமைச்சக செய்தித் தொடர்பாளரான மரியா சகரோவா (Maria Zakharova).
ஆக, பிரான்சின் தற்போதைய திட்டத்தைப் பார்க்கும்போது, அத்திட்டம் செயல்படுத்த முடியாதது என்பது தெளிவாகத் தெரிகிறது என்கிறார் அவர்.
பிரான்சைப் பொருத்தவரை, கடந்த சில ஆண்டுகளில் பிரான்ஸ் உலக அரசியல் அரங்கில் முக்கியத்துவத்தை இழந்துவிட்டது.
ஆகவே, தீவிரமான இராஜதந்திர நடவடிக்கைகளை மேற்கொள்வதுபோல பிரான்ஸ் பாசாங்கு செய்யும் அதே நேரத்தில், சர்வதேச செயல்முறைகளில் பங்கேற்பது போன்ற தோற்றத்தை உருவாக்குவதே பிரான்சின் முதன்மை நோக்கமாக உள்ளது என்றும் கடுமையாக விமர்சித்துள்ளார் அவர்.
பிரான்சுக்கு ஒரு சிறப்பு அரசியல் முக்கியத்துவம் கிடைக்கவேண்டும் என்பதே பிரான்ஸ் மேற்கொள்ளும் இந்த முயற்சியின் நோக்கம் என்றும் விமர்சித்துள்ளார் மரியா.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
