லங்காசிறி FM
பிரித்தானிய குழந்தைகளுக்கான புத்தகங்களை 'Extremist' எனக் கூறி பறிமுதல் செய்த ரஷ்யா
ரஷ்ய சுங்கத்துறை பிரித்தானிய குழந்தைகளுக்கான புத்தகங்களை 'Extremist Literature' எனக் கூறி பறிமுதல் செய்தது.
"பயங்கரவாதம்" தொடர்பான சட்டங்கள்
உக்ரைன் மீது ரஷ்யா படையெடுத்ததில் இருந்து வெளிநாட்டு இலக்கியங்களை மக்கள் அணுகுவதைத் தடுப்பதற்கும், கலாச்சார இறக்குமதிகள் மீதான கட்டுப்பாடுகளை கடுமையாக்குவதற்கும், ரஷ்யாவின் "பயங்கரவாதம்" தொடர்பான சட்டங்கள் பயன்படுத்தப்பட்டு வருவதாக விமர்சகர்கள் குற்றம்சாட்டி வருகின்றனர்.
இந்த சூழலில், பிரித்தானியாவில் இருந்து இறக்குமதி செய்யப்பட்ட குழந்தைகளுக்கான புத்தகங்கள் அடங்கிய சரக்கு ஒன்றை ரஷ்யா சுங்கத்துறை சோதனை செய்துள்ளது.
அதில் "Extremist Literature" இருப்பதை கண்டறிந்துள்ளதாக சுங்கத்துறை அதிகாரிகள் தெரிவித்துள்ளனர்.
அறிக்கை
ரஷ்யாவின் மத்திய சுங்க சேவையின் செயின்ட் பீட்டர்ஸ்பர்க் கிளை ஓர் அறிக்கையை இதுகுறித்து வெளியிட்டுள்ளது.
அதன்படி, பிரித்தானியாவைச் சேர்ந்த 'Usborne Publishing' எனும் பதிப்பகத்தால் அப்புத்தகங்கள் வெளியிடப்பட்டவை.
பறிமுதல் செய்யப்பட்டதில் "The Dinosaurs Who Met Santa Claus", "Eggs and Chicks", "Space Puzzles", "Baby's Very First Big Play Book", "My Fist Story Writing book", "Very First Questions and Answers: What's Inside Me?" போன்ற தலைப்புகளிலான புத்தகங்கள் அடங்கும். ஆங்கிலம் மற்றும் ஜேர்மன் மொழியிலான 28 புத்தங்கள் சரக்கில் இடம்பெற்றிருந்ததை சுங்கத்துறை அதிகாரிகள் தெரிவித்தனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அளவெட்டி, தெல்லிப்பழை, சிலாபம், கொழும்பு, St. Gallen, Switzerland
07 May, 2022
