விராட் கோலியின் சாதனையை முறியடித்த வீரர் - ஜிம்பாபேவிற்கு மரண அடி கொடுத்த மேற்கிந்திய தீவு

மேற்கிந்திய தீவு வீரர் ஷெர்பேன் ரூதர்ஃபோர்ட், விராட் கோலியின் சாதனையை முறியடித்துள்ளார்.

மேற்கிந்திய தீவு அபார வெற்றி

2026 T20 உலக கிண்ணத்தின் சூப்பர் 8 சுற்றில் ஜிம்பாப்வே மற்றும் மேற்கிந்திய தீவுகள் அணி மோதிய போட்டி மும்பை வான்கடே மைதானத்தில் நடைபெற்றது. 

நாணய சுழற்சியில் வென்ற ஜிம்பாப்வே அணி முதலில் பந்துவீச்சை தேர்வு செய்தது.

முதலில் துடுப்பாட்டம் ஆடிய மேற்கிந்திய தீவுகள் அணி, 20 ஓவர்கள் முடிவில் 6 விக்கெட் இழப்பிற்கு 254 ஓட்டங்கள் குவித்தது. 

அதிகபட்சமாக ஷிம்ரான் ஹெட்மையர் (Shimron Hetmyer), 34 பந்துகளில் 85 ஓட்டங்கள் குவித்தார்.

256 ஓட்டங்கள் என்ற வெற்றி இலக்குடன் களமிறங்கிய ஜிம்பாப்வே அணி, 17.4 ஓவர்களில் 147 ஓட்டங்கள் குவித்து ஆல் அவுட் ஆனது. 

இதன் மூலம், 107 ஓட்டங்கள் வித்தியாசத்தில் மேற்கிந்திய தீவுகள் அணி வெற்றி பெற்றது. 

இந்தியா 2 போட்டிகளில் வென்றாலும் அரையிறுதிக்கு செல்வதில் சிக்கல் - முழு விவரம்

மேற்கிந்திய தீவு சாதனைகள்

T20 உலக கிண்ண வரலாற்றில் 3வது முறையாக 100 மற்றும் அதற்கு அதிகமான ஓட்டங்கள் வித்தியாசத்தில் வெற்றி பெற்று, அதிக முறை 100 மற்றும் அதற்கு அதிகமான ஓட்டங்கள் வித்தியாசத்தில் வெற்றி பெற்ற அணி என்ற சாதனையை படைத்துள்ளது.

இதுவே மேற்கிந்திய தீவுகள் அணி T20 உலக கிண்ணத்தில் எடுத்த அதிகபட்சமாக ஓட்டங்கள் ஆகும். 

மேலும், T20 உலக கிண்ணத்தில் அதிக ஓட்டங்கள் எடுத்த அணிகளின் பட்டியலில் 2வது இடத்திற்கு முன்னேறியுள்ளது. 2007 T20 உலக கிண்ணத்தில் கென்யாவிற்கு எதிராக எடுத்த 260 ஓட்டங்களுடன் இலங்கை அணி முதலிடத்தில் உள்ளது. 

கிறிஸ் கேய்லின் 17 ஆண்டுகள் பழைய சாதனையை முறியடித்த வீரர்

மேலும், மேற்கிந்திய தீவு வீரர்கள் 19 சிக்ஸர்கள் அடித்ததன் மூலம், ஒரு இன்னிங்ஸில் ஒரு அணி அடித்த சிக்ஸர்கள் என்ற நெதர்லாந்தின் சாதனையை சமன் செய்துள்ளது.  

முன்னதாக 2014 T20 உலக கிண்ணத்தில் நெதர்லாந்து அணி, அயர்லாந்திற்கு எதிராக 19 சிக்ஸர்கள் விளாசியது. 

அதே போல், ஒரு போட்டியில் மொத்தமாக அடிக்கப்பட்ட அதிக சிக்ஸர்கள் என்ற பட்டியலில், இந்த போட்டி முதலிடம் பிடித்துள்ளது.

மேற்கிந்திய தீவு வீரர்கள் 19 சிக்ஸர்கள் மற்றும் ஜிம்பாப்வே வீரர்கள் 12 சிக்ஸர்கள் உட்பட 31சிக்ஸர்கள் அடிக்கப்பட்டுள்ளது. 

2014 T20 உலக கிண்ணத்தில் நெதர்லாந்து மற்றும் அயர்லாந்துக்குஇடையேயான போட்டியில், 30 சிக்ஸர்கள் அடிக்கப்பட்டதே சாதனையாக இருந்தது.

மேலும், 3 முறை 250 ஓட்டங்களுக்கு மேல் அடுத்த 3வது என்ற பெருமையை , மேற்கிந்திய தீவுகள் பெற்றுள்ளது. இந்தியா மற்றும் ஜிம்பாபேவே முதலிடத்தில் உள்ளது.

ஷெர்பேன் ரூதர்ஃபோர்ட் சாதனை

மேற்கிந்திய தீவு வீரர் ஷெர்பேன் ரூதர்ஃபோர்ட்(Sherfane Rutherford), T20 உலக கிண்ணத்தில் விராட் கோலியின் சாதனையை முறியடித்துள்ளார். 

விராட் கோலி(Virat Kohli), 33 இன்னிங்ஸ்களில் விளையாடி 1292 ஓட்டங்கள் எடுத்து, 58.72 என்ற துடுப்பாட்ட சராசரியுடன் முதலிடத்தில் இருந்தார்.

ஷெர்பேன் ரூதர்ஃபோர்ட் 10 இன்னிங்ஸ்களில் விளையாடி, 278 ஓட்டங்கள் எடுத்து, 69.50 என்ற துடுப்பாட்ட சராசரியுடன் முதலிடத்திற்கு முன்னேறியுள்ளார்.