லங்காசிறி FM
கேப்டனாக பதவியேற்ற முதல் தொடரே படுதோல்வி: எங்கள் இலக்கு இதுதான்..பாகிஸ்தானின் சல்மான் அஹா
Sivaraj
in கிரிக்கெட்
பாகிஸ்தான் டி20 அணியின் தலைவராக நியமிக்கப்பட்ட சல்மான் அஹா, நியூசிலாந்திற்கு எதிரான தொடரை இழந்தது குறித்து மனம் திறந்துள்ளார்.
சல்மான் அஹா
பாகிஸ்தான் கிரிக்கெட் அணியின் புதிய டி20 தலைவராக சல்மான் அலி அஹா நியமிக்கப்பட்டார். அவரது தலைமையில் நியூசிலாந்தில் சுற்றுப்பயணம் மேற்கொண்டுள்ள பாகிஸ்தான் அணி டி20 தொடரை 1-4 என இழந்தது.
தோல்வி குறித்து பேசிய அணித்தலைவர் சல்மான் அஹா, "இது மிகவும் இளம் அணி. பெரும்பாலான வீரர்கள் இங்கு (நியூசிலாந்து) முதல் முறையாக வந்துள்ளனர். இங்கு அறிமுகமாக இருப்பது சவாலான சூழ்நிலைகளை வழங்குகிறது. இந்தத் தொடருக்கு முன்பு நான் இதை கூறினேன். இலக்கு எப்போதும் உலகக்கிண்ணம் மற்றும் ஆசியக் கிண்ணம்தான்.
இந்தத் தொடர்கள் அந்த இலக்கை அடைய எங்களுக்கு உதவும். அடுத்து எந்தத் தொடர் வந்தாலும், அந்த இலக்கை நோக்கி முன்னேறுவதற்கு அதைப் பயன்படுத்துவோம். எங்கள் வீரர்கள் அதிக அனுபவத்தை பெற பேச்சுக்களை உருவாக்க வேண்டும்.
எங்கள் அணியில் மிகவும் உற்சாகமான இளைஞர்கள் இருப்பதாக நான் உண்மையிலேயே நினைக்கிறேன். இதற்கு முன்பு இங்கு சுற்றுப்பயணம் செய்தவர்களுக்கு கூட இந்த நிலைமைகள் சவாலானதாக இருந்திருக்கிறது, அவை எளிதானவை அல்ல" என்றார்.
மேலும், அவர் புதிய தோற்றமுடைய பாகிஸ்தான் அணிக்கு, நியூசிலாந்து சுற்றுப்பயணம் எப்போதும் ஒரு சவாலான பணியாக இருக்கும் என்று அவர் ஒப்புக்கொண்டார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
முள்ளியவளை, சுவிஸ், Switzerland, Scarborough, Canada, Toronto, Canada
01 Apr, 2020
Myliddy, Liverpool, United Kingdom, Gerrards Cross, United Kingdom
25 Mar, 2025
