பாலிவுட் நடிகர் சல்மான் கான் தோட்டத்தில் பிணங்களா? பக்கத்து வீட்டுக்காரர் பகீர் குற்றச்சாட்டு

நடிகர் சல்மான் கான் பண்ணை வீட்டில் பிரபல நடிகர்களின் பிணங்கள் புதைக்கப்பட்டு இருப்பதாக அருகில் வசிக்கும் நபர் ஒருவர் அதிர்ச்சிகர தகவல்களை வெளியிட்டுள்ளார்.

பாலிவுட்டில் பிரபல முன்னணி நடிகராக வளம் வருபவர் சல்மான் கான். 30 ஆண்டுகளுக்கும் மேலாக ஹிந்தி திரையுலகில் ஹீரோவாக திகழ்ந்து வரும் சல்மான் கான் அவ்வப்போது சில சர்ச்சைகளில் சிக்குவது உண்டு.

தற்போது இவர் ஹிந்தி பிக்பாஸ் நிகழ்ச்சியை தொகுத்து வழங்கி வருவதோடு பல படங்களிலும் பிசியாக நடித்து வருகிறார். இவருக்கு மாகாராஷ்டிர மாநிலத்தில் சொந்தமாக பண்ணை வீடு ஒன்றுள்ளது.

இந்நிலையில் இவரது பண்ணை வீட்டின் தோட்டத்தில் பிரபல நடிகர்களின் உடல்கள் அடக்கம் செய்யப்பட்டு இருப்பதாக புகார்கள் எழுந்துள்ளது. குழந்தை கடத்தல், திரையுலகை சேர்ந்த பிரபல நடிகர்களின் உடல் அடக்கம் செய்யப்படுவதாக அதே பகுதியை சேர்ந்த கேத்தன் கக்கட் என்பவர் புகார் அளித்துள்ளார்.

இவரின் இந்த புகார் பாலிவுட்டில் வட்டாரத்தில் பெரும் சலசலப்பை ஏற்படுத்தியது. இந்த புகாருக்கு எதிராகவும் இந்த புகார் கொடுத்த கேத்தனுக்கு எதிராகவும் சல்மான் கான் அவதூறு வழக்கு தொடர்ந்துள்ளார்.

இந்த வழக்கு விசாரணைக்கு வந்த போது சல்மான் கானின் வழக்கறிஞர், சல்மான்கான் மீது அவதூறாக பொய் வதந்திகளை பரப்பி தவறுக்காக கேத்தன் மீது உரிய நடவடிக்கை எடுக்க வேண்டும் என வாதிட்டார்.

இதனை தொடர்ந்து சல்மான் கானின் இந்த வழக்கு தொடர்பாக பதிலளிக்குமாறு கேத்தன் கக்கட்டுக்கு நீதிமன்றம் நோட்டீஸ் அனுப்பியுள்ளது.