லங்காசிறி FM
டெல்லி அணிக்கு எதிராக சரவெடி ஆட்டம்! டாப் 5க்குள் நுழைந்த சஞ்சு சாம்சன்
டெல்லி கேபிட்டல்ஸ் அணிக்கு எதிரான போட்டியில் அரைசதம் அடித்ததன் மூலம், ஐபிஎல் 2026யில் அதிக ஓட்டங்கள் எடுத்தவர்கள் பட்டியலில் சஞ்சு சாம்சன் முன்னேறியுள்ளார்.
சஞ்சு சாம்சன் ருத்ரதாண்டவம்
ஐபிஎல் 2026 தொடரின் நேற்றையப் போட்டியில் சென்னை சூப்பர் கிங்ஸ் மற்றும் டெல்லி கேபிட்டல்ஸ் அணிகள் மோதின.
முதலில் ஆடிய டெல்லி கேபிட்டல்ஸ் அணி 7 விக்கெட்டுகள் இழப்பிற்கு 155 ஓட்டங்கள் எடுத்தது. சமீர் ரிஸ்வி (Sameer Rizvi) 24 பந்துகளில் 40 ஓட்டங்கள் விளாசினார்.
பின்னர் ஆடிய சென்னை சூப்பர் கிங்ஸ் அணியில், தொடக்க வீரர் சஞ்சு சாம்சன் (Sanju Samson) ருத்ரதாண்டவம் ஆடினார்.
மொத்தம் 52 பந்துகளை எதிர்கொண்ட சாம்சன், 6 சிக்ஸர்கள் மற்றும் 7 பவுண்டரிகளுடன் 87 ஓட்டங்கள் விளாசினார்.
அவருடன் பார்ட்னர்ஷிப் அமைத்த கார்த்திக் ஷர்மா 41 ஓட்டங்கள் எடுக்க, CSK அணி 17.3 ஓவர்களில் 2 விக்கெட்டுகள் இழப்பிற்கு 159 ஓட்டங்கள் எடுத்து வெற்றி பெற்றது.
அதிக ஓட்டங்கள்
சஞ்சு சாம்சன் அரைசதம் அடித்ததன் மூலம் நடப்பு ஐபிஎல் தொடரில் 400 ஓட்டங்களைக் கடந்தார்.
இதன்மூலம் ஐபிஎல் 2026 தொடரில் அதிக ஓட்டங்கள் எடுத்துள்ளவர்களின் பட்டியலில் ஐந்தாவது இடத்திற்கு இடத்திற்கு முன்னேறியுள்ளார்.
கே.எல்.ராகுல் 445 ஓட்டங்களுடன் முதலிடத்திலும், அபிஷேக் ஷர்மா 440 ஓட்டங்களுடன் இரண்டாவது இடத்திலும், ஹெய்ன்ரிச் கிளாசென் 425 ஓட்டங்களுடன் மூன்றாவது இடத்திலும் உள்ளனர்.
ராஜஸ்தான் ராயல்ஸ் அணியின் வைபவ் சூர்யவன்ஷி 404 ஓட்டங்கள் குவித்து நான்காவது இடத்தில் உள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
