லங்காசிறி FM
பிரித்தானியாவில் சடலமாகக் கண்டெடுக்கப்பட குழந்தை வழக்கு: சமீபத்திய தகவல்
பிரித்தானியாவில் பாகிஸ்தான் வம்சாவளியினரான சிறுமி ஒருத்தி சடலமாகக் கண்டெடுக்கப்பட்ட வழக்கில், அவளது தந்தை, சித்தி மற்றும் தந்தையின் தம்பி ஆகிய மூவருமே தாங்கள் குற்றவாளிகள் அல்ல என கூறியுள்ளார்கள்.
சடலமாகக் கண்டெடுக்கப்பட்ட குழந்தை
ஆகத்து மாதம் 10ஆம் திகதி, இங்கிலாந்திலுள்ள Woking என்னுமிடத்தில் அமைந்துள்ள வீடு ஒன்றில் சடலமாகக் கண்டெடுக்கப்பட்டாள் சாரா (Sara Sharif, 10), என்னும் சிறுமி.
சாராவின் உடல் கண்டெடுக்கப்படுவதற்கு முந்தைய தினம், சாராவின் தந்தையான ஷெரீஃப் (Urfan Sharif, 41) அவரது இரண்டாவது மனைவியான பட்டூல் (Beinash Batool, 29) மற்றும் ஷெரீஃபின் சகோதரரான மாலிக் (Faisal Shahzad Malik, 28) ஆகியோர், ஷெரீஃபின் ஐந்து பிள்ளைகளுடன் பாகிஸ்தானுக்குத் தப்பிச் சென்றுவிட்டார்கள்.
Surrey Police/AFP via Getty Imags
அவர்களை பிரித்தானியா மற்றும் பாகிஸ்தான் பொலிசார் தேடி வந்த நிலையில், அவர்கள் செப்டம்பர் மாதம் 13ஆம் திகதி பிரித்தானியா திரும்பினார்கள். இங்கிலாந்திலுள்ள Gatwick விமான நிலையத்தில் அவர்களுக்காக காத்திருந்த பொலிசார், அவர்கள் மூவரும் விமானத்திலிருந்து இறங்கியதும் அவர்களைக் கைது செய்தனர்.
கொலைக் குற்றச்சாட்டு பதிவு
செப்டம்பர் மாதம் 15ஆம் திகதி, ஷெரீஃப், பட்டூல் மற்றும் மாலிக் ஆகிய மூவர் மீதும் கொலைக் குற்றச்சாட்டு பதிவு செய்யப்பட்டது.
மேலும், குழந்தை ஒன்றின் சாவுக்குக் காரணமாக இருந்தது அல்லது சாவை அனுமதித்தது என்னும் குற்றச்சாட்டும் அவர்கள் மீது பதிவு செய்யப்பட்டுள்ளது. அவர்கள் மூவரும், அன்றே Guildford மாஜிஸ்திரேட் நீதிமன்றத்தில் ஆஜர் செய்யப்பட்டார்கள்.
சமீபத்திய தகவல்
இந்நிலையில், நேற்று காலை, ஷெரீஃப், பட்டூல் மற்றும் மாலிக் ஆகிய மூவரும் Old Bailey நீதிமன்றத்தில் மீண்டும் ஆஜர் செய்யப்பட்டார்கள்.
அவர்கள் மூவருமே தாங்கள் சாராவைக் கொலை செய்யவில்லை, தாங்கள் குற்றவாளிகள் அல்ல என நீதிமன்றத்தில் தெரிவித்துள்ளார்கள்.
இந்த வழக்கு, அடுத்த ஆண்டு, அதாவது, 2014ஆம் ஆண்டு, செப்டம்பர் மாதம் 2ஆம் திகதி விசாரணைக்கு எடுத்துக்கொள்ளப்பட உள்ளது. வழக்கு விசாரணை ஆறு வாரங்கள் நீடிக்கும் என எதிர்பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
