லங்காசிறி FM
அவர் தன் வேலையைத்தான் செய்தார்... அரை குறை ஆடை பெண்களுடன் சிக்கிய இளவரசியின் கணவருக்கு மாமியார் வக்காலத்து
பிரித்தானிய அரியணையில் அமரும் வாய்ப்புள்ள 11ஆவது நபரான இளவரசி யூஜீனியின் கணவர், அரை குறை ஆடை பெண்களுடன் கும்மாளமடிக்கும் காட்சிகள் வெளியாகி பரபரப்பை ஏற்படுத்திய நிலையில், அவரது மாமியார், தன் மருமகன் தன் வேலையைத்தான் செய்தார் என்று கூறியுள்ளார்.
சமீபத்தில் குழந்தை பெற்ற இளவரசி யூஜினி வீட்டில் இருக்கும் நிலையில், அரை குறை ஆடை அணிந்த, மற்றும் அரை நிர்வாணமாக காணப்பட்ட பெண்களுடன் யூஜினியின் கணவர் ஜாக் ப்ரூக்ஸ்பேங்க் தீவு ஒன்றில் காணப்படும் புகைப்படங்கள் வெளியாகின.
இந்நிலையில், யூஜீனியின் தாயாரும், ஜாக்கின் மாமியாருமான Duchess of York, Sarah Ferguson (61), தன் மருமகனுக்கு வக்காலத்து வாங்கியுள்ளார்.
தன் மருமகன் தன் வேலையைத்தான் செய்தார் என்று கூறியுள்ள Sarah Ferguson, ஜாக் எப்போதுமே தன்னை முன்னணியில் நிறுத்திக்கொள்ள விரும்புவதில்லை என்றும், எப்போதுமே பின்னணியில் இருந்தே செயல்படுவார் என்றும், அவர் ஒரு நல்ல கணவர், நல்ல தந்தை, என்னைப் பொருத்தவரை அவர் ஒரு சூப்பர் ஹீரோ என்றும், தனக்கு மிகவும் பிடித்தமானவர்களில் அவர் ஒருவர் என்றும் புகழாரம் சூட்டியுள்ளார்.
அந்த சம்பவம் வேண்டுமென்றே பெரிதுபடுத்தப்பட்டுள்ளது என்று கூறிய Sarah Ferguson, ஜாக் Casamigos நிறுவனத்தின் அம்பாஸடராக பொறுப்பு வகிக்கிறார்.
அவர் தன் வேலையைத்தான் செய்தார். ஆகவே, அவரது நலன் கருதி நடந்த சம்பவத்திற்கு விளக்கம் அளிப்பது மிகவும் அவசியம் என்றும் கூறியுள்ளார்.
