ஒரே தெருவில் வாழும் மூன்று பேர் வீட்டுக் கதவுகளை தட்டிய அதிர்ஷ்ட தேவதை: ஒரு சுவாரஸ்ய சம்பவம்

இங்கிலாந்தில், ஒரே தெருவில் வாழும் மூன்று பேருக்கு லொட்டரியில் பரிசு விழுந்துள்ள சுவாரஸ்ய சம்பவம் ஒன்று நிகழ்ந்துள்ளது.

விடயம் என்னவென்றால், லொட்டரியில் சில ஆயிரம் பவுண்டுகள் பரிசு விழுந்ததாக அவர்கள் எண்ணிக்கொண்டிருந்த நிலையில், கிடைத்த தொகை அவர்களை ஆச்சரியத்தில் வாய் பிளக்கச் செய்துள்ளது.

Credit: Postcode Lottery

ஒரே தெருவில் வாழும் மூன்று பேருக்கு அடித்த அதிர்ஷ்டம்

இங்கிலாந்தின் Dorset என்னுமிடத்திலுள்ள ஒரு தெருவில், அயலகத்தார்கள் சிலர் லொட்டரிச்சீட்டு வாங்கியுள்ளார்கள்.

அவர்களில், தனக்கு லொட்டரியில் பரிசு விழுந்துள்ளது என்பதை அறிந்த ஏமி (Amy House, 40) என்னும் பெண், தனக்கு ஒரு 10,000 பவுண்டுகள் பரிசு கிடைத்திருக்கக்கூடும் என எண்ணியுள்ளார்.

Credit: Postcode Lottery

ஆனால், அவருக்கு 250,000 பவுண்டுகள் பரிசு கிடைத்துள்ளது என்பது தெரியவரவே, ஆச்சரியத்தில் ஆழ்ந்துள்ளார் ஏமி.

அதேபோல, அவரது வீட்டுக்கு சில வீடுகள் தள்ளி வசிக்கும் பிரையன் (Brian Lewis, 65, Chris) கிறிஸ் தம்பதியருக்கும் 250,000 பவுண்டுகள் பரிசு விழுந்துள்ளது.

Credit: Postcode Lottery

அவர்களுடைய அயலகத்தாரான மற்றொருவரோ, இரண்டு லொட்டரிச்சீட்டுகள் வாங்கியுள்ள நிலையில், அவர் வாங்கிய இரண்டு லொட்டரிச்சீட்டுகளுக்கும் 250,000 பவுண்டுகள் பரிசு விழ, அவர் 500,000 பவுண்டுகளை அள்ளியுள்ளார்.

லொட்டரி வாங்கினோம், ஏதோ பரிசு கிடைத்துள்ளது என அந்த மூன்று பேருமே நினைத்த நிலையில், லட்சக்கணக்கான பவுண்டுகள் பரிசு கிடைத்துள்ளதை எண்ணி ஆச்சரியத்திலும் மகிழ்ச்சியிலும் ஆழ்ந்துள்ளார்கள் அந்த அதிர்ஷ்டசாலிகள்!