லங்காசிறி FM
பிரித்தானியாவிற்குள் 150,000 பவுண்ட் மதிப்புள்ள பொருள் கடத்தல்: 23 வயது அழகிக்கு சிறை
தாய்லாந்திலிருந்து பிரித்தானியாவிற்குள் 150,000 பவுண்ட் மதிப்புள்ள கஞ்சாவை கடத்த முயன்ற 23 வயது அழகி சிறைத்தண்டனையை எதிர்கொள்ள உள்ளார்.
போதைப்பொருள் கடத்திய இளம்பெண்
ஸ்கொட்லாந்தைச் சேர்ந்த சமூக ஊடக பிரபலமான Ellie Crampsie என்ற இளம்பெண், கடந்த ஆண்டு தாய்லாந்தில் தனது ஆடம்பரமான விடுமுறையை முடித்துவிட்டு திரும்பினார்.
ஏர் பிரான்ஸ் விமானத்தில் பயணித்த பின், அவரது பயணப் பெட்டியை சோதனை செய்தபோது போதைப்பொருள் இருந்தது தெரிய வந்தது.
17 கிலோ 'வகை B' என்ற அந்த போதைப்பொருளின் மதிப்பு 115,000 முதல் 150,000 பவுண்ட் வரை இருக்கும் என மதிப்பிடப்பட்டது.
பின்னர் அவர் எல்லைப் பாதுகாப்புப் படை அதிகாரிகளால் தடுத்து நிறுத்தப்பட்டார். அவரிடம் இருந்து 17 தனித்தனி சீல் செய்யப்பட்ட பொட்டலங்களை அதிகாரிகள் கைப்பற்றினர்.
குற்றத்தை ஒப்புக்கொண்டதால் சிறைத்தண்டனை
இந்த நிலையில், கடந்த வியாழக்கிழமை அன்று எடின்பர்க் ஷெரிஃப் நீதிமன்றத்தில் Ellie Crampsie நிறுத்தப்பட்டார்.
அப்போது அவர் மற்றவர்களுக்கு கஞ்சா விநியோகம் செய்வதில் ஈடுபட்ட குற்றத்தை ஒப்புக்கொண்டார். இதனால் அவர் சிறைத்தண்டனையை எதிர்கொள்ள உள்ளார்.
Ellie Crampsie தனது சொந்த அழகு நிலையத்தை 'Brows by Ellie' என்ற பெயரில் நடத்தி வந்தார். மேலும், சிகை அலங்காரம் மற்றும் சிகிச்சைகளில் நிபுணத்துவம் பெற்றவர் ஆவார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
