லங்காசிறி FM
விஷ்வா தீனதயாளனுக்கு சமர்ப்பிக்கிறேன்.. சாதனை வெற்றி பெற்ற தமிழக வீரர்!
தமிழகத்தைச் சேர்ந்த சரத் கமல், மேகாலயாவில் நடந்த சீனியர் டேபிள் டென்னிஸ் சாம்பியன்ஷிப் தொடரை கைப்பற்றி சாதனை படைத்துள்ளார்.
ஷில்லாங்கில் நடந்த ஆண்கள் ஒற்றையர் டேபிள் டென்னில் போட்டியில், தமிழக வீரர்கள் சரத் கமல் மற்றும் சத்யன் ஞானசேகரன் மோதினர்.
பரபரப்பாக நடைபெற்ற போட்டியில் சரத் கமல் 4-3 என்ற செட் கணக்கில் சத்யன் ஞானசேகரனை வீழ்த்தி 10வது முறையாக தொடரை வென்று சாதனை படைத்துள்ளார்.
போட்டிக்கு பின்னர் பேசிய அவர், இந்த வெற்றியை சமீபத்தில் விபத்தில் இறந்த இளம் டேபிள் டென்னிஸ் வீரர் விஷ்வா தீனதயாளனுக்கு சமர்ப்பிப்பதாக தெரிவித்தார்.
தமிழகத்தைச் சேர்ந்த விஷ்வா தீனதயாளன் (18) கார் விபத்தில் பலியான சம்பவம் பெரும் சோகத்தை ஏற்படுத்தியது. அவரது மறைவுக்கு நாம் தமிழர் கட்சியின் தலைமை ஒருங்கிணைப்பாளர் சீமான் உட்பட பல்வேறு அரசியல் தலைவர்களும் இரங்கல் தெரிவித்தனர் என்பது குறிப்பிடத்தக்கது.
[
]
