லங்காசிறி FM
அன்று கால் டாக்சி ஓட்டியவர்..இன்று அம்பானியைப் போல் உயர்ந்த 29 வயது தொழிலதிபர்
அமெரிக்காவில் வசித்து வரும் ஷாஹித் அன்வர் என்ற இளைஞர், சமூக வலைத்தளங்கள் வாயிலாக மட்டும் வருமானத்தை ஈட்டி தொழிலதிபராக உயர்ந்துள்ளார்.
அமெரிக்காவில் பிறந்த சராசரி நபர்
வணிக சந்தைப்படுத்தல் (Business Marketing) குறித்த படிப்பை முடித்த ஷாஹித் அன்வர் (Shahid Anwar) சவுதி அரேபியாவில் வேலை பார்த்தார்.
இவர் அமெரிக்காவில் பிறந்திருந்த நிலையில் இவரின் குடும்பம் பொருளாதார ரீதியாக சிரமத்தில் இருந்தது. சாதாரண வாழ்க்கையை தொடங்கிய ஷாஹித், தனக்கு கிடைத்த அனுபவங்கள் மூலம் வாழ்க்கையை வடிவமைக்கும் தொழில்முனைவோர் மனநிலைக்கு சென்றார்.
அதன்படியே புதிய அறிவு மற்றும் திறன்களைப் பெறுவதன் மதிப்பை புரிந்துகொண்ட, வணிக சந்தைப்படுத்துதலில் கவனம் செலுத்த முடிவு செய்தார்.
அவரது கல்விப் படிப்பை அவரது வணிக நோக்கங்களுடன் இணைக்க அவர் தேர்ந்தெடுத்தது ஒரு கணக்கிடப்பட்ட மூலோபாய நகர்வாகும்.
கால் டாக்சி ஓட்டுநர்
ஆனால், தனது பயணத்தின் ஆரம்ப கட்டத்தில் உபேர் கால் டாக்சி ஓட்டுநராக ஷாஹித் பணியாற்றினார். அதன் பின்னர் சீனாவில் இருந்து பர்சஸ் உள்ளிட்ட பொருட்களை இறக்குமதி செய்து விற்பனை செய்திருக்கிறார்.
அதில் அவருக்கு நல்ல லாபம் கிடைத்தது. ஆனாலும், அடுத்த கட்டத்திற்கு செல்ல வேண்டும் என்ற முனைப்பில் அவர் வறுத்த கோழி இறைச்சி கடையை விர்ஜினியாவில் திறந்தார்.
அவரது தொழில் சூடுபிடித்தபோது கொரோனா வைரஸ் பரவல் தொழிலைப் பதம் பார்க்க தொடங்கிவிட்டது. எனினும் துவண்டுவிடாத ஷாஹித், தனது தொழிலை ஒன்லைன் ஷாப்பிங் நிறுவனமான அமேசான் வாயிலாக மீண்டும் தொடங்கினார்.
மேலும் சமூக வலைதளத்தின் மூலமாக தனது நிறுவனத்தை ஷாஹித் பயன்படுத்தினார். அதன் மூலம் 2022ஆம் ஆண்டின் கணக்கின்படி 1,000,000 டொலர்கள் வருமானம் ஈட்டினார்.
அத்துடன் யூடியூப் சேனல் மூலம் நாள் ஒன்றுக்கு 11 டொலர்கள் முதல் 254 டொலர்கள் வரையும், மாதம் 339 டொலர்கள் முதல் 7.6 ஆயிரம் டொலர்கள் வரை வருமானம் பெறுகிறார். அதாவது ஷாஹித் பேஸ்புக், இன்ஸ்டாகிராம், ட்விட்டர் மற்றும் டிக்டோக் ஆகிய சமூக ஊடங்களில் தொழில் சார்ந்த தனது கருத்துக்களை பகிர்ந்து வருகிறார்.
இன்று தொழிலதிபராக உயர்ந்து நிற்கும் ஷாஹித் அன்வர் அரண்மனைக்கு இணையான வீடு, சொகுசு கார்கள் என பல கோடிகளுக்கு சொந்தக்காரராக மாறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
