லங்காசிறி FM
இலங்கை அணியை வீழ்த்தி மகுடம் சூடிய பாகிஸ்தான்: தசுன் ஷானகா கூறிய விடயம்
Sivaraj
in கிரிக்கெட்
முத்தரப்பு டி20 தொடரின் இறுதிப்போட்டியில் இலங்கை அணியை 6 விக்கெட்டுகள் வித்தியாசத்தில் பாகிஸ்தான் வீழ்த்தி கிண்ணத்தை வென்றது.
கமில் மிஷாரா 59 ஓட்டங்கள்
ராவல்பிண்டியில் இலங்கை, பாகிஸ்தான் மற்றும் ஜிம்பாப்வே அணிகளின் முத்தரப்பு டி20 தொடர் நடைபெற்று வந்தது. 
நேற்று நடந்த இறுதிப்போட்டியில் பாகிஸ்தான் மற்றும் இலங்கை அணிகள் மோதின. முதலில் ஆடிய இலங்கை அணியில் கமில் மிஷாரா மட்டும் அதிரடியாக அரைசதம் விளாச, ஏனைய வீரர்கள் துடுப்பாட்டத்தில் சொதப்பினர்.
சிக்ஸர்களை பறக்கவிட்ட கமில் மிஷாரா 47 பந்துகளில் 4 சிக்ஸர், 2 பவுண்டரிகளுடன் 59 ஓட்டங்கள் விளாசினார்.
ஆனால், பாகிஸ்தானின் பந்துவீச்சை சமாளிக்க முடியாமல் இலங்கை அணி 19.1 ஓவர்களில் 114 ஓட்டங்களுக்கு சுருண்டது. ஷாஹீன் அஃப்ரிடி, மொஹம்மது நவாஸ் தலா 3 விக்கெட்டுகளும், அப்ரார் அகமது 2 விக்கெட்டுகளும், சல்மான் மிர்ஸா மற்றும் சைம் அயூப் தலா ஒரு விக்கெட்டும் கைப்பற்றினர்.
பின்னர் ஆடிய பாகிஸ்தான் 18.4 ஓவர்களில் 118 ஓட்டங்கள் எடுத்து வெற்றி பெற்றது. பாபர் அஸாம் ஆட்டமிழக்காமல் 37 ஓட்டங்களும், சைம் அயூப் 36 ஓட்டங்களும் எடுத்தனர்.
தசுன் ஷானகா
ஆட்டநாயகன் மற்றும் தொடர் நாயகன் விருதுகளை பாகிஸ்தான் ஆல்ரவுண்டர் மொஹம்மது நவாஸ் (Mohammad Nawaz) பெற்றார்.
போட்டிக்கு பின் பேசிய இலங்கை அணித்தலைவர் தசுன் ஷானகா (Dasun Shanaka), "சுழலுக்கு எதிராக எப்போது வாய்ப்புகளை எடுக்க வேண்டும் என்பதை நாம் உணர வேண்டும். குறிப்பாக இடது கை வீரர்கள் ஆஃப்-ஸ்பின்னர்களுக்கும், வலது கை வீரர்கள் இடது கை சூழலுக்கும் அவுட் ஆவதை தவிர்க்க வேண்டும்.
உலகக்கிண்ணத்திற்கு முன்பு இந்தப் பிரச்சனைகளை சரிசெய்வோம் என்று நம்புகிறோம். ஜனவரியில் பாகிஸ்தானுடனும் நாங்கள் விளையாடுகிறோம். எனவே அந்தத் தொடர் முக்கியமானதாக இருக்கும். அதில் நாங்கள் சிறப்பாக செயல்படுவோம் என்று நம்புகிறோம்" என்றார். 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
