லங்காசிறி FM
ரொமாரியோ ஷெப்பர்ட் ஹாட்ரிக் சாதனை - ஸ்காட்லாந்தை வீழ்த்திய மேற்கிந்திய தீவு
Karthikraja
in கிரிக்கெட்
2026 T20 உலக கிண்ணத்தின் 2வது போட்டியில் மேற்கிந்திய தீவுகள் மற்றும் ஸ்காட்லாந்து அணிகள் மோதியது.
ஸ்காட்லாந்தை வீழ்த்திய மேற்கிந்திய தீவு
நாணய சுழற்சியில் வென்ற ஸ்காட்லாந்து அணி முதலில் பந்து வீச்சை தேர்வு செய்தது.
இதன்படி, முதலில் துடுப்பாட்டம் ஆடிய மேற்கிந்திய தீவுகள் அணி, 20 ஓவர்கள் முடிவில் 5 விக்கெட்களை இழந்து 182 ஓட்டங்கள் குவித்தது.
மேற்கிந்திய தீவுகள் தரப்பில் அதிகபட்சமாக ஷிம்ரான் ஹெட்மியர், 36 பந்துகளில் 2 பவுண்டரிகள் மற்றும் 6 சிக்ஸர்கள் உட்பட 64 ஓட்டங்கள் குவித்தார்.
183 ஓட்டங்கள் என்ற வெற்றி இலக்குடன் களமிறங்கிய ஸ்காட்லாந்து அணி, 18.5 ஓவர்களில் 147 ஓட்டங்கள் மட்டுமே எடுத்து அனைத்து விக்கெட்களையும் இழந்து ஆல் அவுட் ஆனது.
மேற்கிந்திய தீவுகள் அணி, 35 ஓட்டங்கள் வித்தியாசத்தில் வெற்றி பெற்றது.
5 விக்கெட் எடுத்த ரொமாரியோ ஷெப்பர்ட் ஆட்ட நாயகனாக தேர்வு செய்யப்பட்டார்.
ரொமாரியோ ஷெப்பர்ட் ஹாட்ரிக் சாதனை
இதில் 16வது ஓவரை வீசிய ரொமாரியோ ஷெப்பர்ட், முதல் பந்தில் ஒரு ஓட்டம் விட்டுக்கொடுக்க, அடுத்து மேத்யூ கிராஸ், மைக்கேல் லீஸ்க் மற்றும் ஆலிவர் டேவிட்சன் ஆகியோரின் விக்கெட்களை அடுத்தடுத்து வீழ்த்தி ஹாட்ரிக் எடுத்தார்.
HAT-TRICK FOR SHEPHERD! 🎩🔥
— Star Sports (@StarSportsIndia) February 7, 2026
Shepherd completes yet another T20I hat-trick and West Indies tighten the grip! 💪
ICC Men’s #T20WorldCup | #WIvSCO | LIVE NOW 👉 https://t.co/0WePayvggJ pic.twitter.com/7VLUHHAk78
அடுத்ததாக ஓவரின் கடைசி பந்தில் ஃப்யான் ஷெரீப்பின் விக்கெட்டை வீழ்த்தி அந்த ஓவரில் 4 விக்கெட்களை வீழ்த்தினார்.
இதன் மூலம், T20 உலக கிண்ண தொடரில் ஹாட்ரிக் விக்கெட் எடுத்த முதல் மேற்கிந்திய தீவு வீரர் என்ற பெருமையை ரொமாரியோ ஷெப்பர்ட் பெற்றார்.
இதே போல், 22 பந்துகளில் அரைசதம் அடித்த ஷிம்ரான் ஹெட்மியர், T20 உலக கிண்ணத்தில் அதிவேக அரைசதம் அடித்த மேற்கிந்திய தீவு வீரர் என்ற பெருமையை பெற்றுள்ளார்.
முன்னதாக, கிறிஸ் கெயில் 23 பந்துகளில் அடித்த அரைசதமே, T20 உலக கிண்ணத்தில் மேற்கிந்திய தீவு வீரரின் அதிவேக அரைசதமாக இருந்தது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 3ம் வட்டாரம், கோண்டாவில்
10 Feb, 1996
வேலணை புளியங்கூடல், ஊர்காவற்துறை
05 Feb, 2016
4th ward,Puthukkudiyiruppu, Mullaitivu, London, United Kingdom
04 Feb, 2011
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
