ஆப்பிள் சிடர் வினிகரை அதிகமாக எடுத்துகிட்டா இந்த பிரச்சினைலாம் வருமாம்! உஷாரா இருங்க
நம்மில் பெரும்பாலானோர் தினமும் ஆப்பிள் சிடர் வினிகரை (Apple Cider Vinegar) உணவில் சேர்த்துக்கொள்வதை வழக்கமாக வைத்திருப்போம் .
ஆப்பிள் சாற்றிலிருந்து தயாரிக்கப்படும் வினிகர்தான் ஆப்பிள் சிடர் வினிகர். ஆப்பிள் ஜூஸை நொதிக்க வைத்து (Fermentation) இது தயாரிக்கப்படுகிறது. புளிப்புச் சுவையுடையது. இதில் அமிலத்தன்மை நிறைந்துள்ளது.
அசிட்டிக் ஆசிட் (acetic acid), மாலிக் ஆசிட் (malic acid), லாக்டிக் ஆசிட் (lactic acid), சிட்ரிக் ஆசிட் (citric acid) என்ற நான்கு வகையான அமிலங்கள் இதில் உள்ளன.
எனவே இவற்றை அதிகளவு எடுத்து கொள்வது முற்றிலும் தவறாகும். அந்தவகையில் தற்போது இதனை எடுத்து கொள்வதனால் கிடைக்கும் பக்கவிளைவுகள் என்ன என்பதை பார்ப்போம்.
- சிலருக்கு ஆப்பிள் சிடர் வினிகர் பயன்படுத்துவது சருமத்தை சேதப்படுத்துமாம். இதனை சருமத்தில் நேரடியாகப் பயன்படுத்தும் போது, எரிச்சல் அல்லது எரிவது போன்ற உணர்வு ஏற்படும். மேலும், இது சருமத்தை மோசமானதாக மாற்றும்.
- சிலருக்கு ஆப்பிள் சிடர் வினிகரை எடுத்துக் கொள்வது இரைப்பை அழற்சியை ஏற்படுத்தும். இது போன்று ஏற்படுவது பெரும்பாலும் டைப் 1 நீரிழிவு நோய் உள்ளவர்களுக்கு அதிகம் ஏற்படும்.
- அதிகப்படியான ஆப்பிள் சிடர் வினிகர் உட்கொள்வது உடலில் பொட்டாசியம் அளவைக் குறைக்கச் செய்யும். பொட்டாசியம் தான் தசை இயக்கம் மற்றும் இதயத்துடிப்பை சீராக்க உதவுகிறது. அதனால் ஆப்பிள் சிடார் வினிகர் அதிகம் எடுத்துக் கொள்வதால் இதயத் துடிப்பு சீராக இல்லாமல் போகலாம். அதனால் உடலின் ரத்த ஓட்டமும் பாதிக்கப்படும்.
- ஆப்பிள் சிடர் வினிகர் எடுத்துக் கொள்வது பசியைக் குறைக்கும் என்பதால் எடை இழப்புக்கு நன்மை பயக்கும் என்று கருதப்படுகிறது. இதனால் பலரும் உணவு உட்கொள்ளளைக் குறைக்க பலரும் இதனை பயன்படுத்துவர். இருப்பினும் இதனை அதிகமாக எடுத்து கொள்ள கூடாது.
- ஆப்பிள் சிடர் வினிகரில் அமிலத் தன்மை இருப்பதால், அது உங்களின் பல்லின் எனாமலை கடினமாக்கும். எனாமல் கடினமாவதால் பல் கூச்சம் ஏற்படும் என்பது பலருக்கும் தெரியும். இதே பிரச்சனை தான் அமிலத்தன்மை நிறைந்த குளிர்பானங்களை அருந்துவதாலும் ஏற்படுகிறது.