முதன்முறையாக பயன்படுத்தப்பட்ட எளிமையாக உயிரை மாய்த்துக்கொள்ளும் இயந்திரம்: பொலிசார் அதிரடி

எளிமையாக, தங்கள் உயிரைத் தாங்களே மாய்த்துக்கொள்ள உதவும் இயந்திரம் என சமீபத்தில் சர்ச்சையை உருவாக்கிய இயந்திரம் ஒன்று சுவிட்சர்லாந்தில் பயன்படுத்தப்பட்டுள்ளது.

முதன்முறையாக அந்த இயந்திரம் பயன்படுத்தப்பட்ட நிலையில், அது தொடர்பாக சுவிஸ் பொலிசார் பலரை கைது செய்துள்ளார்கள்.

எளிமையாக உயிரை மாய்த்துக்கொள்ளும் இயந்திரம்

The Last Resort என்னும் நிறுவனம், நீண்ட கால மற்றும் கொடிய நோய்களால் பாதிக்கப்பட்டுள்ளோர், தங்கள் உயிரைத் தாங்களே மாய்த்துக்கொள்ள உதவும் இயந்திரம் ஒன்றை உருவாக்கியுள்ளது.

அதற்கு சார்க்கோ (Sarco) என பெயரிடப்பட்டுள்ளது.

இந்நிலையில், திங்கட்கிழமையன்று, Schaffhausen மாகாணத்தில், 64 வயது அமெரிக்கப் பெண்ணொருவர் அந்த இயந்திரத்தைப் பயன்படுத்தி தன் உயிரை மாய்த்துக்கொண்டுள்ளார்.

அவர் பயங்கரமான நோயெதிர்ப்புக் குறைபாடு ஒன்றால் அவதியுற்று வந்த நிலையில், இந்த முடிவை எடுத்துள்ளார்.

பொலிசார் அதிரடி  

ஆனால், அந்த இயந்திரத்தை உருவாக்கிய நிறுவனத்தின் துணை தலைவரான Florian Willet என்பவரையும், அவருடன் பலரையும் சுவிஸ் பொலிசார் கைது செய்துள்ளார்கள்.

அவர்களில், நெதர்லாந்தைச் சேர்ந்த ஊடகவியலாளர் ஒருவரும், சுவிஸ் நாட்டவர்கள் இருவரும் அடக்கம்.

அந்த இயந்திரத்தைப் பயன்படுத்த அனுமதிப்பது தொடர்பில் சுவிட்சர்லாந்தில் இன்னமும் விவாதங்கள் நடந்துவரும் நிலையில், தற்போது அந்த இயந்திரம் முதன்முறையாக பயன்படுத்தப்பட்டுள்ளது.

அந்த இயந்திரம், தயாரிப்புகள் பாதுகாப்புச் சட்டத்துக்கான விதிகளுக்கு உட்படவில்லை என்று கூறியுள்ள சுவிஸ் சுகாதாரத்துறை அமைச்சரான Elisabeth Baume-Schneider, அந்த இயந்திரத்தில் நைட்ரஜன் வாயு பயன்படுத்தப்படுவது, சட்டப்படி அனுமதிக்கப்படவில்லை என்று கூறியுள்ளார்.