லங்காசிறி FM
பிரித்தானிய எம்.பி கொலை செய்யப்பட்ட இடத்தை பார்த்து கண்ணீர்விட்டு அழுத மனைவி: கமெராவில் பதிவான காட்சி
Kaviarasan
in ஐக்கிய இராச்சியம்
பிரித்தானிய எம்.பி சர் டேவிட் அமேஸ் குத்தி கொலை செய்யப்பட்ட இடத்திற்கு வந்த அவரது மனைவி, திடீரென்று உணர்ச்சியை அடக்க முடியாமல் கண்கலங்கினார்.
பிரித்தானியாவின் கன்சர்வேடிவ் பாராளுமன்ற உறுப்பினரான Sir David Amess வெள்ளிக்கிழமை Leigh-on-Sea-யில் உள்ள Belfairs Methodist தேவாலயத்தில் நடந்த தொகுதி மக்களுடனான கூட்டத்தின் போது கொடூரமாக கத்தியால் குத்தப்பட்டு கொல்லப்பட்டார்.
எம்.பியின் இந்த மரணம் பிரித்தானியாவையே உலுக்கியுள்ளது. இந்த சம்பவத்தில் ஈடுபட்ட சந்தேக நபர் 25 வயது மதிக்கத்தக்க Ali Harbi Ali என்பவரை பொலிசார் கைது செய்து விசாரணை மேற்கொண்டு வருகின்றனர்.
இந்நிலையில், இன்று காலை தாக்குதல் நடந்த Belfairs Methodist தேவாலயத்திற்கு Sir David Amess-ன் மனைவி Julia Amess மற்றும் குடும்பத்தினர் வருகை தந்தனர்.
கொலை செய்யப்பட்ட எம்.பிக்கு ஐந்து பிள்ளைகள். தேவாலயத்தின் மந்திரி Clifford Newman உட்பட ஆறு பேர் இருந்தனர். அப்போது Julia Amess உணர்ச்சியை அடக்க முடியாமல் கண்கலங்கினார்.
இதைக் கண்ட Clifford Newman அவரை கட்டியணைத்து ஆறுதல் கூறினார். சுமார் 15 நிமிடங்களுக்கு மேல் அங்கிருந்த குடும்பத்தினர், அதன் பின் செய்தியாளர்களை சந்திக்காமல் அப்படியே காரில் சென்றனர்.
நேற்று எம்.பி குடும்பத்தினர் வெளியிட்டிருந்த அறிக்கையில், தாங்கள் அதிர்ச்சியில் இருப்பதாகவும், இருப்பினும் அவர் ஊக்கமளிக்கும் மனிதனாக உங்கள் முன் உயிர் வாழ்வார்.
மக்கள் தங்கள் வேறுபாடுகளை ஒதுக்கி வைத்துவிட்டு, அனைவரிடமும் அன்பையும், பாசத்தையும் காட்டும்படி நாங்கள் மக்களிடம் கேட்டுக் கொள்வதாக குறிப்பிட்டிருந்தது குறிப்பிடத்தக்கது.
புங்குடுதீவு 3ம் வட்டாரம், வட்டக்கச்சி, கொழும்பு, Bobigny, France
24 Apr, 2021
