கடவுளின் அவதாரம் என கூறி பள்ளி மாணவிகளிடம் பாலியல் சீண்டல்! சிவசங்கர் பாபா நடத்தும் பள்ளி தொடர்பில் முக்கிய தகவல்

students school sivasankar baba

By Raju Jun 14, 2021 09:55 AM GMT

Raju

in இந்தியா

Report

பாலியல் புகாரில் சிக்கியுள்ள சிவசங்கர் பாபா நடத்தும் பள்ளியில் அதிரடியான மாற்றங்கள் நிகழ்ந்து வருகின்றன.

சென்னையை அடுத்த கேளம்பாக்கம் அருகே, இண்டர்நேஷனல் பள்ளி உள்ளது. இப்பள்ளியை நடத்தி வரும் சாமியார் சிவசங்கர் பாபா, தன்னை கடவுளின் அவதாரம் என அழைத்துக் கொண்டு, பள்ளியில் பயிலும் மாணவிகளை பக்தையென கூறி பாலியல் சீண்டலில் ஈடுபடுவதாக புகார் எழுந்தது.

3 மாணவிகள் அளித்த புகாரின் அடிப்படையில், போக்சோ உள்ளிட்ட சட்டப்பிரிவுகளில் சிவசங்கர் பாபா மீது வழக்கு பதிவு செய்து, சிபிசிஐடி விசாரணைக்கு மாற்றப்பட்டது.

சிபிசிஐடி டிஎஸ்பி குணவர்மன், காவல் ஆய்வாளர் ஜெயசங்கர் ஆகியோர் விசாரணை அதிகாரிகளாக நியமிக்கப்பட்டு விசாரணையை தொடங்கியுள்ளனர்.

கடவுளின் அவதாரம் என கூறி பள்ளி மாணவிகளிடம் பாலியல் சீண்டல்! சிவசங்கர் பாபா நடத்தும் பள்ளி தொடர்பில் முக்கிய தகவல் | Siva Sankar Baba School Students Getting Tc

இந்த பள்ளியில் பிள்ளைகளை படிக்க வைக்கும் பெற்றோர், பள்ளிக்கு ஏற்பட்டுள்ள களங்கத்தால் கலக்கம் அடைந்துள்ளனர்.

இதைத் தொடர்ந்து அங்கிருந்து டிசி வாங்கி வேறு பள்ளிகளில் சேர்க்கத் தொடங்கியுள்ளனர்.

தொடர்ந்து நாள்தோறும் பல பெற்றோர்கள், பள்ளிக்கு வந்து டிசி வாங்கிச் செல்கின்றனர். இதுவரை 50 சதவீதம் மாணவர்கள் டிசி வாங்கிவிட்டதாக தகவல்கள் தெரிவிக்கின்றன.

பள்ளியில் பணியாற்றி வந்த ஆசிரியர்கள் 10-க்கும் மேற்பட்டோர் ராஜினாமா செய்துவிட்டதாகவும் தகவல் வெளியாகியுள்ளது.

மேலும் இந்தியா செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்