லங்காசிறி FM
சூரிய சக்தியால் இயங்கும் விமானம் - 3 மாதங்களுக்கு தரையிறங்காமல் பறக்கும்
Karthikraja
in தொழில்நுட்பம்
பெரும்பாலான விமானங்கள் எரிபொருள் மூலமாகவே இயங்குகின்றன. இதன் காரணமாக சில மணி நேரங்கள் பறந்து பின்னர், எரிபொருள் தீரும் தருவாயில், எரிபொருள் நிரப்ப தரை இறங்க வேண்டும்.
சில போர் விமானங்களில், வானில் பறக்கும் போதே எரிபொருள் நிரப்பும் வசதி உள்ளது. இதன் மூலம், சில நாட்களுக்கு தரையிறங்காமல் பறக்க முடியும்.
சூரிய சக்தியால் இயங்கும் விமானம்
இந்நிலையில், சூரிய ஒளியால் இயங்க கூடிய விமானம் ஒன்று உருவாக்கப்பட்டுள்ளது. சுமார் 90 நாட்களுக்கு தரையிறங்காமல், இந்த கண்காணிப்பு விமானத்தால் பறப்பில் ஈடுபட முடியும் என கூறப்படுகிறது.
அமெரிக்காவை சேர்ந்த ஸ்கைட்வெல்லர் (SkyDweller) என்ற நிறுவனம், இந்த விமானத்தை உருவாக்கியுள்ளது.
270 ச.மீ. பரப்பளவுள்ள இந்த விமானத்தின் இறக்கைகளில் 17,000 சோலார்பேனல்கள் நிறுவப்பட்டு, அதன் மூலம் தேவையான சூரிய ஒளி மின் சக்தியாக மாற்றப்படுகிறது.
மேகமூட்டமான வானிலையில் கூட, இதன் சூரிய மின்கலங்கள் 100kW வரை மின்சாரத்தை உருவாக்க முடியும் என கூறப்படுகிறது. இந்த மின்சாரம் 635 கிலோ எடையுள்ள பேட்டரிகளில் சேமிக்கப்பட்டு, இரவு நேரங்களில் கூட பறப்பில் ஈடுபட உதவுகிறது.
பகலில் இந்த விமானம் 24,600 மற்றும் 34,400 அடி உயரத்திலும், இரவில் மின்சாரத்தைச் சேமிப்பதற்காக 4,900 முதல் 9,800 அடி உயரத்திலும் பறக்கிறது.
பாதுகாப்பு அமைப்புகள்
இந்த விமானத்தின் இறக்கைகள் போயிங் விமானத்தை விட அதிக நீளத்தை கொண்டிருந்தாலும், கார்பன் ஃபைபரை பயன்படுத்தி உருவாக்கப்பட்டுள்ளதால், பாரம்பரிய ஜம்போ ஜெட் விமானத்தை விட 160 மடங்கு குறைவான எடை கொண்டது.
இதன் விமானக் கட்டுப்பாட்டு அமைப்பில் தானியங்கி காற்று-சுமை தணிப்பு மென்பொருளைப் பயன்படுத்துவதன் மூலம், விமானம் கொந்தளிப்பால் ஏற்படும் காற்றியக்க சுமைகளைக் குறைக்க முடியும்.
மேலும், 90 நாட்கள் வரை நம்பகத்தன்மையுடன் பறப்பில் ஈடுபட 4 மடங்கு அதிகப்படியான விமானக் கட்டுப்பாட்டு அமைப்பு மற்றும் அதிநவீன வாகன மேலாண்மை அமைப்பு (VMS) உள்ளது. இந்த VMS அமைப்பு, கணினியில் உள்ள எந்தவொரு சிக்கலையும் தானாகவே கண்டறிந்து சரிசெய்து, விமானம் தொடர்ந்து பறக்க உதவும்.
விமானத்தில் உள்ள அமைப்புகளில் ஒன்று செயலிழந்தால், காப்பு அமைப்பு (backup system) விமானம் தொடர்ந்து பறக்க உதவும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
பருத்தித்துறை, ஓமான், Oman, India, London, United Kingdom
06 Mar, 2024
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
