லங்காசிறி FM
பிரான்சில் கைது செய்யப்பட்ட ஆட்கடத்தல்காரர்: ஊடகவியலாளர்கள் கண்டுபிடித்த அதிரவைக்கும் தகவல்
பிரான்சில், புலம்பெயர்தல் முகாம்களின் ‘காட்ஃபாதர்’ என அழைக்கப்பட்ட ஒருவர், தற்போது அடையாளங்களை மாற்றிக்கொண்டு பிரித்தானியாவில் வாழ்ந்துவருவது தெரியவந்துள்ளது.
பிரபல ஆட்கடத்தல்காரர்
2016ஆம் ஆண்டு, ட்வானா ஜமால் (Twana Jamal) என்பவரைக் கைது செய்து ஐந்து ஆண்டுகளுக்கு சிறையில் அடைத்தார்கள் பிரெஞ்சு பொலிசார்.
இதுவரை பிடிபட்ட ஆட்கடத்தல்காரர்களிலேயே வெற்றிகரமாக ஆங்கிலக்கால்வாய் வழியாக புலம்பெயர்வோரைக் கடத்துவதில் கைதேர்ந்தவர் ஜமால் என அப்போது பிரெஞ்சு பொலிசார் கூறியிருந்தார்கள்.
தனக்கு 36 வயது இருக்கும்போது, புலம்பெயர்வோரை ஆங்கிலக்கால்வாய் வழியாக பிரித்தானியாவுக்குக் கடத்துவதன் மூலம், வராம் ஒன்றிற்கு 100,000 பவுண்டுகள் வரை வருவாய் பார்த்தவர் ஈராக்கி குர்திஷ் பின்னணி கொண்ட ஜமால் என அதிகாரிகள் தெரிவித்துள்ளார்கள்.
பிரித்தானியாவில் தலைமறைவாக இருப்பது கண்டுபிடிப்பு
இந்நிலையில், ஜமால் பிரித்தானியாவிலிருப்பதாக பிரபல பிரித்தானிய ஊடகமான பிபிசிக்கு ரகசிய தகவல் கிடைத்துள்ளது.
அவரை ஊடகவியலாளர்கள் தேடிச் செல்ல, ஜமால், இங்கிலாந்தின் Leicestershireஇலுள்ள Blaby என்னும் கிராமத்தில், வேறு பெயரில் தங்கியிருப்பதும், ஓட்டுநர் உரிமம் இன்றி கார் ஓட்டுவதும், வேலை செய்வதும் தெரியவந்துள்ளது.
தன்னை சுல்தான் பாஷா என அழைத்துக்கொள்ளும் ஜமாலை சந்தித்த ஊடகவியலாளர்கள் அவரைக் குறித்து விசாரிக்க, தான் 2009ஆம் ஆண்டு முதல் பிரித்தானியாவில் வாழ்ந்துவருவதாக தெரிவித்துள்ளார்.
அத்துடன், தான் பிரித்தானியாவில் புகலிடம் கோரியுள்ளதாகவும் ஜமால் தெரிவித்துள்ளதுதான் சுவாரஸ்யம்.
அவர் பிரான்சில் கைது செய்யப்பட்ட படத்தைக் காட்டியபோது, எனக்கு அதைக் குறித்து கவலையில்லை என்று கூறியுள்ளார் ஜமால்.
இதற்கிடையில், ஜமாலைப் போலவே பல்வேறு நாடுகளில் கைது செய்யப்பட்ட ஆட்கடத்தல்காரர்கள் சுமார் 15 பேர், புதிய அடையாளங்களுடன் பிரித்தானியாவில் இருப்பதாக ஐரோப்பிய அதிகாரிகள் தெரிவித்துள்ளார்கள்.
இந்நிலையில், பிரித்தானியா ஐரோப்பிய ஒன்றியத்திலிருந்து வெளியேறியதைத் தொடர்ந்து, மற்ற நாடுகளைச் சேர்ந்தவர்களின் குற்றப் பின்னணி குறித்து அறிந்துகொள்வது கடினமாகிவிட்டதாக பிரித்தானிய புலம்பெயர்தல் அதிகாரிகள் கூறுகிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
Kuala Lumpur, Malaysia, உடுவில், கொழும்பு, Toronto, Canada
30 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026