லங்காசிறி FM
மூன்று திருமணங்கள், ஐந்து பிள்ளைகள்: ட்ரம்பின் குடும்பம் குறித்த சில சுவாரஸ்ய தகவல்கள்
அமெரிக்க ஜனாதிபதி ட்ரம்பின் மனைவி பெயர் மெலானியா என்பது பலருக்கும் தெரிந்த விடயம்தான். ஆனால், மெலானியா, ட்ரம்பின் மூன்றாவது மனைவி என்பது எத்தனை பேருக்குத் தெரியும்?
மூன்று திருமணங்கள், ஐந்து பிள்ளைகள்...
முதல் திருமணம்
ட்ரம்பின் முதல் மனைவியின் பெயர், இவானா மேரி ட்ரம்ப். செக் - அமெரிக்க பெண்ணான இவானா, 1976ஆம் ஆண்டு, ஒரு கூட்டம் மொடல்களுடன் இருந்த ட்ரம்பை சந்தித்தார். அடுத்த ஆண்டு இருவரும் திருமணம் செய்துகொண்டார்கள்.
இவானாவும் ஒரு மொடல் மற்றும் தொழிலதிபர்தான்.
திருமணமாகி சுமார் 10 ஆண்டுகள் இருவரும் இணைந்து வாழ்ந்த நிலையில், ட்ரம்புக்கு மற்றொரு மொடலான மார்லா மேப்பில்ஸ் என்னும் பெண்ணுடன் தவறான உறவு இருப்பதை இவானா அறிந்துகொள்ள, 1990ஆம் ஆண்டு இருவரும் விவாகரத்து செய்து பிரிந்தனர்.
2022ஆம் ஆண்டு, தனது 73ஆவது வயதில், நியூயார்க்கிலுள்ள தனது வீட்டில் மரணமடைந்தார் இவானா.
ட்ரம்ப், இவானா தம்பதியருக்கு, டொனால்ட் ட்ரம்ப் ஜூனியர், இவாங்கா ட்ரம்ப் மற்றும் எரிக் ட்ரம்ப் ஆகிய மூன்று பிள்ளைகள் இருக்கிறார்கள்.
இரண்டாவது திருமணம்
ட்ரம்பின் இரண்டாவது மனைவியின் பெயர் மார்லா மேப்பில்ஸ். ஆம், ட்ரம்ப் முதல் மனைவியுடன் வாழும்போதே தவறான உறவு வைத்திருந்த மார்லாவுடன், அவரைப் பிரிந்த பிறகும் தொடர்ந்து வாழ்ந்துவந்தார்.
இருவருக்கும் டிஃபனி என்ற ஒரு மகள் பிறக்க, அதற்குப் பின்பே இருவரும் திருமணம் செய்துகொண்டார்கள்.
ஆனால், அந்த திருமணமும் நீண்ட காலம் நீடிக்கவில்லை. 1997இல் இருவரும் பிரிந்து, 1999இல் விவாரத்து செய்துகொண்டார்கள்.
மூன்றாவது திருமணம்
இரண்டாவது மனைவியைப் பிரிந்து வேறொரு பெண்ணுடன் டேட்டிங் செய்துவந்த ட்ரம்ப், 1998ஆம் ஆண்டு ஃபேஷன் ஷோ ஒன்றில் ஸ்லோவேனியாவில் பிறந்தவரான, மெலானியா நாஸ் என்னும் மொடலை சந்தித்தார்.
தன்னுடன் ஒரு பெண் இருக்கும்போதே மெலானியாவின் மொபைல் எண்ணை ட்ரம்ப் கேட்க, அவருடன் ஏற்கனவே ஒரு பெண் இருந்ததால், தனது மொபைல் எண்ணை ட்ரம்புக்கு கொடுக்க மறுத்த மெலானியா, ட்ரம்பின் எண்ணை வாங்கிக் கொண்டார்.
சில நாட்களுக்குப் பின் மெலானியா ட்ரம்பை அழைக்க, இருவரும் காதலிக்கத் துவங்கினார்கள். ஆறு ஆண்டுகள் காதலித்த பிறகு, 2005ஆம் ஆண்டு பிரம்மாண்டமாக நடைபெற்றது ட்ரம்ப் மெலானியா திருமணம்.
ட்ரம்ப் மெலானியா தம்பதியர் 20 ஆண்டுகளாக இணைந்து வாழ்ந்துவரும் நிலையில், தம்பதியருக்கு பாரன் ட்ரம்ப் என்னும் ஒரு மகன் இருக்கிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
