உங்கள் கை முட்டி பகுதிகளில் ஏற்படும் கருமையை போக்க வேண்டுமா? இதோ சில சூப்பரான டிப்ஸ்!

பொதுவாக நம்மில் சிலர் நல்ல நிறமாக இருந்தாலும், கால் கை முட்டிகள் கருப்பாக இருக்கும். இது பார்ப்பதற்கு நன்றாகவே இருக்காது.

இறந்த செல்கள் அங்கே அதிகமாக தேங்கி கடினத்தன்மையையும் கருமையையும் ஒருசேர கொடுத்து அழகை கெடுக்கும் வகையில் அமையும்.

இதனை அகற்றுவது சற்று கடினம்தான். ஆனால் தவறாமல் அதனை போக்கும் விதத்தில் ஒரு சில எளிய வழிகளை பின்பற்றினால் இதிலிருந்து எளியமுறையில் விடுபடலாம்.

அந்தவகையில் கை முட்டி பகுதிகளில் ஏற்படும் கருமையை போக்க என்னமாதிரியான வழிமுறைகளை பின்பற்றலாம் என்பதை இங்கே பார்ப்போம்.

• கற்றாழை மடலை இரண்டாக நறுக்கி கை மற்றும் கால் மூட்டுகள் அதைச் சுற்றியுள்ள பகுதிகளில் தேய்த்து வந்தால் கருமை மறைய தொடங்கும்.
  
  
• ஒரு கொய்யாப்பழம் எடுத்து மிக்ஸியில் போட்டு அரைத்தால் ‘ஸ்க்ரப்’ போல வரும். அத்துடன் ஒரு எலுமிச்சைப் பழத்தின் சாறை எடுத்துக் கலந்து கை, கால், மூட்டுகளில் நன்கு தேய்த்து மசாஜ் செய்து நன்றாக காய்ந்ததும் கழுவவும்.
  
  
• கை, கால் முட்டிகளில் கருப்பு நிறம் அதிகமாக இருந்தால், தொடர்ந்து அந்த இடத்தில் எலுமிச்சப்பழ சாற்றை தேய்த்து சோப்பு போட்டு குளிக்க வேண்டும் நாளடைவில் கறுப்பு நிறம் போய் விடும்.  பிறகு அந்த இடத்தில் மாய்ஸ்சரைசர் பூசவும். இவ்வாறு தொடர்ந்து 2 வாரம் செய்து வந்தால் நல்ல பலன் கிடைக்கும். பால், தேன், கஸ்தூரி மஞ்சள் ஆகியவற்றை சம அளவு எடுத்துக் கலக்கி, கருப்பான இடங்களில் பூசி, 15 நிமிடங்கள் கழித்து கழுவி விட வேண்டும். 
  
  
•  ஆரஞ்சு தோல் பவுடர், பால் இவற்றை சம அளவில் எடுத்து ஒன்றாக குழைத்து முட்டிகளில் பூசி 15 நிமிடத்துக்கு பிறகு கழுவி வந்தாலும் படிப்படியாக கருப்பு நிறம் மாறும். இதனை தினமும் செய்து வர வேண்டும்.