பிரதமர் பதவியை ஏற்காதது ஏன்? சுயசரிதையில் சோனியா காந்தி விளக்கம்

sonia gandhi reveals why she did not be pm on 2004: UPI கூட்டணி ஆட்சியமைத்த போது பிரதமர் பதவியை ஏற்காதது ஏன் சோனியா காந்தி தனது சுயசரிதை புத்தகத்தில் விளக்கமளித்துள்ளார்.

சோனியா காந்தியின் சுயசரிதை புத்தகம்

மறைந்த முன்னாள் பிரதமர் ராஜிவ் காந்தியின் மனைவியும், காங்கிரஸ் கட்சியின் மூத்த தலைவருமான சோனியா காந்தி எழுதிய தனது 544 பக்க சுயசரிதை புத்தகம் 'Belonging: A Journey of Love' என்ற பெயரில் இன்று வெளியாகியுள்ளது.

இதில், தனது குழந்தை பருவம், ராஜிவ் காந்தி உடனான காதல், அரசியல் வருகை உள்ளிட்ட பல்வேறு தகவல்களை குறிப்பிட்டுள்ளார்.

2004 ஆம் ஆண்டு நாடாளுமன்ற தேர்தலில் UPI கூட்டணி வெற்றி பெற்றபோது, சோனியாகாந்தி தான் பிரதமராக பதவியேற்பார் என எதிர்பார்க்கப்பட்ட நிலையில், மன்மோகன்சிங் பிரதமராக தேர்வு செய்யப்பட்டார். 

தமிழ்நாடு அரசின் வங்கி கணக்குகளிலிருந்து ரூ. 22.10 கோடி இணைய திருட்டு

பிரதமர் பதவியை ஏற்காதது ஏன்?

இதில், 2004 ஆம் ஆண்டு நாடாளுமன்ற தேர்தலில் UPI கூட்டணி ஆட்சியமைத்த போது, தான் ஏன் பிரதமராக பதவியேற்கவில்லை எனவும் தெரிவித்துள்ளார்.

அதில், இந்திரா காந்தி மற்றும் ராஜிவ் காந்தி கொல்லப்பட்ட பின்னர், தனது பிள்ளைகளான ராகுல் காந்தி மற்றும் பிரியங்கா காந்தி அச்சம் காரணமாக தான் பிரதமராக கடும் எதிர்ப்பு தெரிவித்தனர். 

எனது மனம் முடிவெடுக்க முடியாமல் தடுமாறிய நிலையில், "சோனியா, உனக்கு நீயே உண்மையாக இரு. இந்தப் பதவியை ஏற்க வேண்டாம் என்பது உனக்கு எப்போதுமே தெரியும். அதை விட்டுவிடு" என்று தனக்குள் கூறிக்கொண்டதாகவும் தெரிவித்துள்ளார்.

மேலும், இந்த முடிவை எடுத்த பின்னர், ராகுல் காந்தியிடம் சென்று அதனைத் தெரிவித்தபோது, "இது சரியான முடிவு" என்று ராகுல் காந்தி ஆதரவு அளித்ததாகவும் சோனியா நினைவுகூர்ந்துள்ளார்.

மேலும், பிரணாப் முகர்ஜி உள்ளிட்ட மூத்த தலைவர்கள் அந்த பதவிக்கு விரும்பினாலும், மன்மோகன் சிங், ஆழ்ந்த நிர்வாக அனுபவம் உடையவர், காங்கிரஸ் கட்சியில் எந்த கோஷ்டிகளிலும் இல்லாதவர் என்பதால் அவரை தேர்வு செய்தேன். 

குடியரசு தலைவர் மாளிகைக்கு செல்லும் முன்புவரை மன்மோகன் சிங்கிற்கு அவர்தான் அடுத்த பிரதமர் என தெரியாது. பதவியை ஏற்க அவர் முதலில் தயங்கிய நிலையில், அவரை பேசி சம்மதிக்க வைத்ததாகவும் தெரிவித்துள்ளார்.