லங்காசிறி FM
குக் வித் கோமாளி போட்டியாளராக களமிறங்கும் பிக்பாஸ் புகழ் நடிகை.., யார் தெரியுமா?
Yashini
in பொழுதுபோக்கு
தமிழ் தொலைக்காட்சியில் மிகவும் அதிக ரசிகர்களை கவர்ந்த நிகழ்ச்சியாக குக் வித் கோமாளி விளங்குகிறது.
முதல் சீசன் கொடுத்த வெற்றி அடுத்தடுத்து சீசன்கள் ஒளிபரப்பாகி தற்போது 5வது சீசன் வரை நடந்து முடிந்துள்ளது.
அந்தவகையில், குக் வித் கோமாளியின் ஐந்தாவது சீசன் ஆரம்பிக்கும் போதே, நான்கு சீசன் நடுவராக இருந்த வெங்கடேஷ் பட் நிகழ்ச்சியில் இருந்து விலகினார்.
இதையடுத்து, வெங்கடேஷ் பட்டிற்கு பதிலாக மாதம்பட்டி ரங்கராஜ் நடுவராக இருந்தார்.
இந்த ஐந்தாவது சீசனில் ரக்ஷன் மற்றும் மணிமேகலை நிகழ்ச்சியை தொகுத்து வழங்கினார்கள்.
பின்னர் மணிமேகலைக்கும், போட்டியாளராக கலந்துகொண்ட பிரியங்காவிற்கும் இடையே மோதல் ஏற்பட்டதால் அந்நிகழ்ச்சியை விட்டு மணிமேகலை பாதியிலேயே விலகினார்.
இதற்கடுத்து போட்டியாளராக பங்கேற்ற பிரியங்கா குக் வித் கோமாளி நிகழ்ச்சியின் டைட்டிலை வென்றார்.
இந்நிலையில் குக் வித் கோமாளி நிகழ்ச்சியின் ஆறாவது சீசன் விரைவில் தொடங்க உள்ளது.
அந்த வகையில், நடந்து முடிந்த பிக்பாஸ் சீசன் 8 நிகழ்ச்சியின் முக்கிய போட்டியாளர் ஒருவர், இப்போது குக் வித் கோமாளி நிகழ்ச்சியிலும் போட்டியாளராக வருகிறார் என்ற தகவல் வெளியாகியுள்ளது.
இவர் பிக்பாஸ் வீட்டில் இருந்தபோது செய்த விஷயங்கள் மக்கள் மத்தியில் அவ்வப்போது வீடியோவாக வைரல் ஆனது.
அவர் வேறு யாருமில்லை, பிக்பாஸில் ரன்னர் அப் பட்டம் வென்ற நடிகையும் மாடலுமான சௌந்தர்யாதான்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
