லங்காசிறி FM
ரஷ்யாவிற்கு விசா வழங்குவதை நிறுத்தும் கனடா: என்ன காரணம்?
ரஷ்யாவில் உள்ள தனது செயலாக்க மையங்களில் விசா வழங்குவதை கனடா நிறுத்திவிட்டதாக, அரசாங்க செய்தித் தொடர்பாளர் ஒருவர் தெரிவித்துள்ளார்.
குடிவரவுக் கொள்கை
கனேடிய அரசு ரஷ்யாவில் தனது குடிவரவுக் கொள்கையில் ஏற்பட்ட மாற்றத்தின் காரணமாக அல்லாமல், செலவுகளைக் குறைத்து செயல்பாடுகளை நவீனமயமாக்குவதற்கான பரந்த அரசாங்க முயற்சியை எடுத்துள்ளது.
அதன் ஒரு பகுதியாக, கடந்த மாதம் ரஷ்யாவில் உள்ள தனது செயலாக்க மையங்களில் விசா வழங்குவதை நிறுத்திவிட்டதாக கனடா கூறியுள்ளதாக, அதன் அரசாங்க செய்தித் தொடர்பாளர் ஒருவர் தி மாஸ்கோ டைம்ஸிடம் தெரிவித்துள்ளார்.
அவர், "அரசாங்கத்தின் செயல்பாடுகளை நவீனமயமாக்குவதற்கும் ஒட்டுமொத்த செலவுகளைக் குறைப்பதற்கும் மேற்கொள்ளப்பட்ட ஒரு அரசாங்க அளவிலான நடவடிக்கையின் ஒரு பகுதியாகவே மாஸ்கோவில் உள்ள குடிவரவு அலுவலகத்தை மூடும் முடிவு எடுக்கப்பட்டது" என்றார்.
சீரான முறையில்
மேலும், "இந்த மறுஆய்வு, உலகெங்கிலும் திட்டங்களை எவ்வாறு மிகவும் நிலையான மற்றும் சீரான முறையில் நடத்துவது என்பது குறித்து ஆராய்ந்தது" எனவும் தெரிவித்தார்.
அத்துடன் ரஷ்யர்கள் இன்னும் ஒன்லைனில் விசாக்களுக்கு விண்ணப்பிக்கலாம். ரஷ்யாவில் செயல்படும் ஆறு விசா விண்ணப்ப மையங்களில் ஒன்றில் தங்கள் பயோமெட்ரிக் தரவுகளை சமர்ப்பிக்கலாம் என்றும் அவர் கூறினார்.
எனினும் விசா அங்கீகரிக்கப்பட்டாலும், அதை சேகரிப்பதற்காக அவர்கள் நாட்டிற்கு வெளியே உள்ள மையங்களுக்குப் பயணிக்க வேண்டும்.
ரஷ்யாவின் அண்டை நாடுகளான ஆர்மீனியா, ஜார்ஜியா மற்றும் கஜகஸ்தான் ஆகிய நாடுகளில் கனேடிய விசா செயலாக்க மையங்கள் உள்ளன. ஆனால், பெலாரஸில் கனேடிய மையங்கள் எதுவும் இல்லை என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரணவாய், கண்டி, Enugu, Nigeria, Toronto, Canada, Los Angeles, United States
28 Jan, 2026
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
4th ward,Puthukkudiyiruppu, Mullaitivu, London, United Kingdom
04 Feb, 2011
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, Islington, United Kingdom
28 Jan, 2026
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
