10,000 mAh பேட்டரி ஸ்மார்ட்போன்களை அறிமுகப்படுத்தும் OnePlus மற்றும் Oppo? வெளியான தகவல்

Smart Phones

By Sivaraj Jul 17, 2026 12:29 PM GMT

Sivaraj

in தொழில்நுட்பம்

Report

10,000 mAh பேட்டரி ஸ்மார்ட்போனை OnePlus மற்றும் Oppo நிறுவனங்கள் அறிமுகப்படுத்த உள்ளதாக தெரிய வந்துள்ளது.

Oppo, OnePlus

இந்தியாவில் சமீபத்திய பெரிய பேட்டரி கொண்ட Oppo A6 Pro 5G ஸ்மார்ட்போனை Oppo நிறுவனம் அறிமுகப்படுத்தியது.

oppo and oneplus will launch 10000mAh smartphone

கடந்த ஏப்ரல் மாதம் OnePlus நிறுவனமும் பெரிய பேட்டரி கொண்ட OnePlus Nord 6 ஸ்மார்ட்போனை அறிமுகப்படுத்தியது.

அந்நிறுவனத்தின் இந்த மொடல் ஸ்மார்ட்போன்தான் OnePlus-யின் மிகப்பெரிய பேட்டரி (9000 mAh) கொண்டதாக இருந்தது.

இந்த நிலையில், Oppo மற்றும் OnePlus நிறுவனங்கள் 10,000 mAh பேட்டரி கொண்ட ஸ்மார்ட்போன்களை விரைவில் அறிமுகப்படுத்த திட்டமிட்டுள்ளதாக தகவல்கள் வெளியாகியுள்ளன.

ஆரம்பக்கட்ட ஆய்வு

சீன சமூக ஊடகத் தளமான Weibo-வில் இந்த தகவல் வெளியாகியுள்ளது. மேலும், OnePlus போன் தற்போது ஆரம்பக்கட்ட ஆய்வு நிலையில் இருப்பதாக கூறப்படுகிறது.

ஆனால் 10,000 mAh பேட்டரி ஸ்மார்ட்போன் குறித்த எந்தவொரு அதிகாரப்பூர்வ தகவலையும் OnePlus நிறுவனம் வெளியிடவில்லை.

அதே சமயம், அடுத்த ஆண்டு அறிமுகமாகவுள்ள Oppo நிறுவனத்தின் ஸ்மார்ட்போன் SM8845 என்ற மொடல் எண்ணைக் கொண்டிருப்பதாக தெரிகிறது. இது 10,000 mAh-க்கும் அதிகமான திறன் கொண்ட பேட்டரியுடன் வரக்கூடும் என்று கூறப்படுகிறது.

முன்னதாக, Oppo நிறுவனத்தின் Oppo A6 Pro 5G ஸ்மார்ட்போன், இந்தியாவில் கடந்த ஜனவரி மாதம் 7000 mAh பேட்டரி மற்றும் 80W வேகமான சார்ஜிங் வசதியுடன் அறிமுகம் ஆனது குறிப்பிடத்தக்கது.

oppo and oneplus will launch 10000mAh smartphone