லங்காசிறி FM
ஹார்மரின் சுழலில் சுருண்ட அவுஸ்திரேலியா; டெஸ்ட் தொடரை வென்ற தென் ஆப்பிரிக்கா
south africa won test series vs australia: அவுஸ்திரேலியாவிற்கு எதிரான 3வது டெஸ்ட் போட்டியில் 176 ஓட்டங்கள் வித்தியாசத்தில் வெற்றி பெற்ற தென் ஆப்பிரிக்கா, 2-1 என்ற கணக்கில் டெஸ்ட் தொடரை கைப்பற்றியுள்ளது.
டெஸ்ட் தொடரை வென்ற தென் ஆப்பிரிக்கா
தென் ஆப்பிரிக்கா மற்றும் அவுஸ்திரேலியா அணிகளுக்கு இடையேயான 3வது டெஸ்ட் போட்டி கேப்டவுனில் நடைபெற்றது.
தென் ஆப்பிரிக்கா அணி முதல் இன்னிங்ஸில் 329 ஓட்டங்களுக்கு ஆல்அவுட் ஆனது.
இதனைத்தொடர்ந்து முதல் இன்னிங்ஸை தொடங்கிய அவுஸ்திரேலியா அணி, ஜோஷ் இங்கிலீஸின் சதத்தால் 429 ஓட்டங்கள் குவித்து முன்னிலை பெற்றது.
அதன் பின்னர் தனது 2வது இன்னிங்ஸை ஆடிய தென் ஆப்பிரிக்கா அணி, 387 ஓட்டங்கள் குவித்து ஆல் அவுட் ஆனது.
தென் ஆப்பிரிக்கா தரப்பில் அதிகபட்சமாக ரியான் ரிகெல்டன் 101 ஓட்டங்களும், வையான் முல்டர் 115 ஓட்டங்களும் குவித்தனர்.
இதன் பின்னர், 284 ஓட்டங்கள் என்ற வெற்றி இலக்குடன் தனது 2வது இன்னிங்க்ஸை தொடங்கிய அவுஸ்திரேலியா அணி, மளமளவென விக்கெட்களை இழந்து 111 ஓட்டங்களில் ஆல் அவுட் ஆகியுள்ளது.
அவுஸ்திரேலியா தரப்பில், நேத்தன் லியோன் 33 ஓட்டங்கள் குவித்ததே அதிகபட்ச ஓட்டமாகும்.
தென் ஆப்பிரிக்கா தரப்பில் சுழற்பந்து வீச்சாளர் ஹார்மர் 6 விக்கெட்களையும், ரபாட 3 விக்கெட்களையும் கைப்பற்றினர்.
இதன் மூலம், 176 ஓட்டங்கள் வித்தியாசத்தில் வெற்றி பெற்ற தென் ஆப்பிரிக்கா அணி, 2-1 என்ற கணக்கில் டெஸ்ட் தொடரை கைப்பற்றியுள்ளது.
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
