லங்காசிறி FM
புரதச்சத்து நிறைந்த சோயா சாதம்
Soya Rice: புரதம், கால்சியம் மற்றும் நார்ச்சத்து நிறைந்த உணவு சோயா துண்டுகளை(Soya Chunks), சைவ உணவுப்பிரியர்களின் வரப்பிரசாதம் என்றே சொல்லலாம்.
தசை வளர்ச்சிக்கு உதவுவதுடன் நார்ச்சத்து அதிகம் இருப்பதால் உடல் எடையை கட்டுக்குள் வைக்கிறது.
இதிலுள்ள கால்சியம் எலும்புகளின் வளர்ச்சிக்கு இன்றியமையாதது, இதனை வைத்து சுவையான சோயா சாதம் செய்வது எப்படி என பார்க்கலாம்.
தேவையான பொருட்கள்
பாஸ்மதி அரிசி- கால் கப் (வேக வைத்து எடுத்துக்கொள்ளவும்)
சோயா - கால் கப் (வேகவைத்து எடுத்துக்கொள்ளவும்)
வெங்காயம்- 1 (பொடிதாக நறுக்கியது)
பச்சைமிளகாய்- 2 (பொடிதாக நறுக்கியது)
சீரகம்- 1 டீஸ்பூன்
கடுகு- சிறிதளவு
மஞ்சள் தூள்- 1/4 டீஸ்பூன்
காஸ்மீரி மிளகாய் தூள்- 1 டீஸ்பூன்
மல்லித்தூள்- 1 டீஸ்பூன்
சீரகத்தூள்- 1 டீஸ்பூன்
கரம் மசாலா தூள்- 1 டீஸ்பூன்
எண்ணெய்- தேவையான அளவு
உப்பு- தேவையான அளவு
மசாலா அரைப்பதற்கு
மிளகு- 1 டீஸ்பூன்
சோம்பு- 1 டீஸ்பூன்
பூண்டு- 6 பற்கள்
இஞ்சி- சிறிய துண்டு
புளி- சிறிதளவு
செய்முறை
அரைப்பதற்கு கொடுத்துள்ள மசாலா பொருட்களை மிக்ஸி ஜாரில் மாற்றி கொரகொரப்பாக அரைத்து எடுத்துக் கொள்ளவும்.
கடாயை அடுப்பில் வைத்து எண்ணெய் ஊற்றியதும் கடுகு, சீரகம் சேர்த்து தாளிக்கவும், இதனுடன் நறுக்கி வைத்துள்ள வெங்காயம், பச்சை மிளகாய் சேர்க்கவும்.
வெங்காயம் வதங்கியதும் அரைத்து வைத்துள்ள மசாலா மற்றும் உப்பு சேர்க்கவும், நன்றாக கிளறிவிடவும்.
இதனுடன் மஞ்சள் தூள், காஸ்மீரி மிளகாய் தூள், மல்லித் தூள், சீரகத்தூள், கரம் மசாலா சேர்த்து கிளறவும், சிறிதளவு தண்ணீர் ஊற்றி 2 நிமிடம் மசாலா வாசனை போகும் வரை வேகவிடவும்.
இதனுடன் வேகவைத்து எடுத்து வைத்துள்ள சோயாவை சேர்க்கவும், நன்றாக கிளறிவிட்டு 5 நிமிடம் மிதமான தீயில் அப்படியே விட்டு விடவும்.
சோயா மசாலாவுடன் நன்றாக சேர்ந்த பின்னர், வேக வைத்த பாஸ்மரி அரிசி சேர்த்து கிளறவும், கடைசியாக கொத்தமல்லி தழை சேர்த்தால் சுவையான சோயா சாதம் தயார்!!!
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
