லங்காசிறி FM
என் வீடியோவை பார்த்து முத்தமிட்டார்! பாடகர் SPB முதலாமாண்டு நினைவஞ்சலி கூட்டத்தில் உருக்கமாக பேசிய இளையராஜா
பாடகர் எஸ்.பி பாலசுப்ரமணியத்தின் முதலாம் ஆண்டு நினைவு அஞ்சலி நிகழ்வு இன்று நடைபெற்ற நிலையில் இளையராஜா கலந்து கொண்டு உருக்கமாக பேசினார்.
பிரபல பாடகர் எஸ்பிபி கடந்தாண்டு செப்டம்பர் மாதம் 25ஆம் திகதி காலமானார். இன்றுடன் அவர் மறைந்து ஓராண்டு ஆகிறது, இதையடுத்து பாடும் நிலா எஸ்.பி பாலசுப்ரமணியத்தின் முதலாம் ஆண்டு நினைவு அஞ்சலி திரைப்பட இசைக்கலைஞர்கள் சங்க வளாகத்தில் இன்று காலை10.30 மணி அளவில் பத்மவிபூஷண் இசைஞானி இளையராஜா தலைமையில் நடைபெற்றது.
நிகழ்ச்சியில் இசைஞானி பேசும் போது அவருக்கும் S.P.Bக்கும் உள்ள தெய்வீக நட்பை மற்றும் அவருடன் இருந்த மகிழ்ச்சியான தருணங்களையும் நினைவு கூர்ந்தார். எஸ்.பி.பி மருத்துவமனையில் இருந்தபோது உனக்காக நான் காத்திருக்கின்றேன் சீக்கிரம் எழுந்து வா பாலு என பேசி காணொளி ஒன்றை அவருக்கு அனுப்பினேன்.
#எஸ்பிபாலசுப்பிரமணியம் முதலாண்டு நினைவஞ்சலி கூட்டம், திரைப்பட இசைக் கலைஞர்கள் சங்கத்தில் இன்று நடந்தது. #இசைஞானி #இளையராஜா பேசும்போது, #SPB க்கும், தனக்கும் இருந்த தெய்வீக நட்பு மற்றும் மகிழ்ச்சியான தருணங்களைப் பகிர்ந்தார்.@charanproducer @thisisysr @rajinikanth @ikamalhaasan pic.twitter.com/A10QB1Ofzc
— Actor Kayal Devaraj (@kayaldevaraj) September 25, 2021
அந்த காணொளியை பார்த்து எஸ்.பி.பி முத்தமிட்டதாக சரண் வாயிலாக அறிந்தேன். யாரையாவது பார்க்க வேண்டுமா? என கேட்டதற்கு ராஜாவை வரச் சொன்னதாக அறிந்தேன். அந்த ஒன்று போதாதா எங்கள் நட்பின் சாட்சிக்கு என்று உருக்கமாக பேசினார்.
இதையடுத்து, தினா வந்திருந்த அனைவருக்கும் சங்கத்தின் சார்பாக நன்றியை தெரிவித்தார்.
