முடி கொட்டாமல் அடர்த்தியாக வளர.. சமயலறையில் இருக்கும் இந்த 5 பொருட்கள் போதும்

முடி உதிர்தல் என்பது எல்லா வயதினரையும் பாலினத்தையும் பாதிக்கும் ஒரு பொதுவான விஷயமாகும்.

முடி ஆரோக்கியத்திற்கு ரசாயனங்கள் கலந்த கலவையிலிருந்து பெரும்பாலான மக்கள் இயற்கையான தீர்வுகளை நோக்கி நகர்கிறார்கள்.

அந்த வகையில் வீட்டின் சமயலறையில் இருக்கக்கூடிய இந்த 5 பொருட்கள் போதும்.

Shutterstock

இலவங்கப்பட்டை

இலவங்கப்பட்டையில் உள்ள ஆண்டிமைக்ரோபியல் மற்றும் அழற்சி எதிர்ப்பு பண்புகள் முடி உதிர்தல் தீர்வுக்கு சிறந்த தேர்வாக அமைகிறது.

இலவங்கப்பட்டை உச்சந்தலையில் இரத்த ஓட்டத்தை மேம்படுத்தி மயிர்க்கால்களுக்கு போதுமான ஊட்டச்சத்துக்கள் மற்றும் ஆக்ஸிஜனைப் பெறுவதை உறுதி செய்கிறது.

இலவங்கப்பட்டையைப் பயன்படுத்த, ஹேர் மாஸ்க்கை உருவாக்க தேனுடன் கலக்கவும். இந்த கலவையை உச்சந்தலையில் தடவி, 15-20 நிமிடங்களுக்கு நன்கு அலச வேண்டும்.

இஞ்சி

இஞ்சி மயிர்க்கால்களுக்கு புத்துயிர் அளிக்கும் மற்றும் முடி வளர்ச்சியை ஊக்குவிக்கும்.

முடிக்கு ஊட்டமளிக்கும் மற்றும் முடி உதிர்வை எதிர்த்துப் போராட உதவும். அத்தியாவசிய கொழுப்பு அமிலங்களும் இதில் உள்ளன.

இஞ்சியைப் பயன்படுத்த, அதன் சாற்றைப் பிரித்தெடுத்து, ஆலிவ் எண்ணெயுடன் கலக்க வேண்டும். இந்த கலவையை உச்சந்தலையில் மசாஜ் செய்து, 30 நிமிடங்கள் கழித்து முடியை அலச வேண்டும்.

வெந்தயம்

வெந்தய விதைகளில் உள்ள புரோட்டீன்கள் மற்றும் நிகோடினிக் அமிலம் முடி ஆரோக்கியத்தை மேம்படுத்த பயன்படுகிறது.

வெந்தயத்தில் லெசித்தின் உள்ளது. இது முடியை ஈரப்பதமாக்குகிறது மற்றும் வேர்களை பலப்படுத்துகிறது. இதனால், உங்கள் முடி உதிர்வு குறைகிறது.

வெந்தய விதைகளை ஒரே இரவில் தண்ணீரில் ஊறவைத்து, அவற்றை ஒரு பேஸ்டாகக் கலந்து, உச்சந்தலையில் தடவி 30 நிமிடங்களுக்கு பிறகு குளிக்கலாம்.

ஆரோக்கியமான கூந்தலுக்கு இயற்கை முறை Hair serum: வீட்டிலேயே எப்படி தயாரிப்பது?

மிளகு

கருப்பு மிளகு முடி ஆரோக்கியத்திற்கு தேவையான வைட்டமின்கள் மற்றும் தாதுக்களை வழங்குகிறது.

இது உச்சந்தலையில் இரத்த ஓட்டத்தை தூண்டுகிறது மற்றும் முடி வளர்ச்சியை ஊக்குவிக்கிறது. மேலும் , மயிர்க்கால்களை வலுப்படுத்த உதவுகிறது.

அரைத்த மிளகுத்தூளை வெதுவெதுப்பான நீரில் கலந்து பேஸ்ட்டை உருவாக்கி, அதை உங்கள் உச்சந்தலையில் தடவி 10-15 நிமிடங்கள் கழித்து முடியை நன்கு அலச வேண்டும்.

மஞ்சள்

மஞ்சள் ஒரு சக்திவாய்ந்த அழற்சி எதிர்ப்பு மற்றும் பூஞ்சை எதிர்ப்பு மசாலா ஆகும். இது ஆரோக்கியமான உச்சந்தலையை பராமரிக்க உதவும். மேலும் இதில் குர்குமின் உள்ளது.

இதில் உள்ள ஆக்ஸிஜனேற்ற பண்புகள் மயிர்க்கால்களை சேதத்திலிருந்து பாதுகாக்கும்.

தயிருடன் மஞ்சளை கலந்து பேஸ்ட்டை உருவாக்கி அதை உங்கள் உச்சந்தலையில் தடவி 20 நிமிடங்கள் கழித்து முடியை நன்றாக அலச வேண்டும்.