லங்காசிறி FM
95 ரன்னில் சுருண்டு அதிர்ச்சி தோல்வி! பந்துவீச்சு, ஃபீல்டிங்கில் மிரட்டி பேட்டிங்கில்..மோசமாக சொதப்பிய இலங்கை
Sivaraj
in கிரிக்கெட்
டி20 உலகக்கிண்ணத்தின் சூப்பர் 8 போட்டியில் இங்கிலாந்து அணி 51 ஓட்டங்கள் வித்தியாசத்தில் இலங்கையை வீழ்த்தியது.
பிலிப் சால்ட் அரைசதம்
இலங்கை மற்றும் இங்கிலாந்து அணிகளுக்கு இடையிலான சூப்பர் 8 சுற்றுப் போட்டி பல்லேகேலவில் நடந்தது.
முதலில் களமிறங்கிய இங்கிலாந்து அணி தொடக்கத்தில் விக்கெட்டுகளை இழந்து தடுமாறியது.
அரைசதம் விளாசிய பிலிப் சால்ட் (Philip Salt) 62 (40) ஓட்டங்கள் விளாசி ஆட்டமிழக்க, கடைசி கட்டத்தில் வில் ஜேக்ஸ் 14 பந்துகளில் 21 ஓட்டங்கள் (4 பவுண்டரிகள்) எடுத்தார்.
இதன்மூலம் இங்கிலாந்து அணி 20 ஓவர்களில் 9 விக்கெட்டுகள் இழப்பிற்கு 146 ஓட்டங்கள் எடுத்தது.
துனித் வெல்லாலகே (Dunith Wellalage) 3 விக்கெட்டுகளும், மதுஷங்கா மற்றும் தீக்ஷணா தலா 2 விக்கெட்டுகளும் கைப்பற்றினர்.
அதிர்ச்சி தோல்வி
பின்னர் ஆடிய இலங்கை அணிக்கு ஜோப்ரா ஆர்ச்சர் ஆரம்பத்திலேயே அதிர்ச்சி கொடுத்தார். அவரது பந்துவீச்சில் நிசங்கா 9 ஓட்டங்களிலும், மிஷாரா 6 ஓட்டங்களிலும் ஆட்டமிழந்தனர்.
அடுத்து வந்த வீரர்களை வில் ஜேக்ஸ் வெளியேற்ற, அணித்தலைவர் தசுன் ஷானகா (Dasun Shanaka) அணியை காப்பாற்ற போராடினார். இரண்டு சிக்ஸர்களை பறக்கவிட்ட அவர் 24 பந்துகளில் 30 ஓட்டங்களில் இருந்தபோது ஆட்டமிழந்தார்.
அதனைத் தொடர்ந்து சமீரா (6), மதுஷங்கா (0) அடுத்தடுத்து ஆட்டமிழக்க இலங்கை அணி 95 ஓட்டங்களுக்கு சுருண்டது.
இதன்மூலம் இங்கிலாந்து அணி 51 ஓட்டங்கள் வித்தியாசத்தில் அபார வெற்றி பெற்றது. வில் ஜேக்ஸ் (Will Jacks) 3 விக்கெட்டுகளும், ஆர்ச்சர், டாவ்சன் மற்றும் அடில் ரஷித் தலா 2 விக்கெட்டுகளும் கைப்பற்றினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
இளவாலை மாரீசன்கூடல், கன்னாதிட்டி, கிளிநொச்சி, பிரான்ஸ், France
22 Feb, 2021
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
