இந்தியாவில் உள்ள புலம்பெயர்ந்தோர் இலங்கை திரும்ப சிறப்பு குடிவரவு ஏற்பாடு

sri lanka permits migrants return from india : இந்தியாவில் வசித்து வரும் புலம்பெயர்ந்தோர் மீண்டும் நாடு திரும்புவதற்கான சிறப்பு குடிவரவு ஏற்பாடுகளுக்கு இலங்கை அரசு ஒப்புதல் அளித்துள்ளது.

இலங்கை தமிழர்களுக்கு சிறப்பு குடிவரவு ஏற்பாடு

இலங்கையில் 2009 ஆம் ஆண்டு வரை நடைபெற்ற உள்நாட்டு போர் காரணமாக பாதிக்கப்பட்ட தமிழர்கள், நாட்டில் இருந்து வெளியேறி, உலகம் முழுவதும் புலம்பெயர்ந்து வாழ்ந்து வருகின்றனர். 

இந்நிலையில் முறையான பயண ஆவணங்கள் இன்றி நாட்டை வெளியேறி இந்தியாவில் வசித்து வரும் புலம்பெயர்ந்தோர் மீண்டும் நாடு திரும்புவதற்கான சிறப்பு குடிவரவு ஏற்பாடுகளுக்கு இலங்கை அரசு ஒப்புதல் அளித்துள்ளது.

ஐக்கிய நாடுகள் அகதிகள் உயர் ஆணையரின் (UNHCR) வழிகாட்டுதலின் கீழ் திரும்பி வருபவர்களுக்கான சட்டரீதியான தடைகளை நீக்குவதே இந்த நடவடிக்கைகளின் நோக்கம் ஆகும்.

இவ்வ்வாறு நாடு திரும்ப விரும்புவார்கள், 2006 ஜூன் ஒன்றாம் திகதிக்கு முன்னர் இலங்கையை விட்டுச் சென்றிருக்க வேண்டும்.

இலங்கை தூதரகம் மூலம் அவர் இலங்கையை சேர்ந்தவர் என்பதை உறுதிப்படுத்தியிருக்க வேண்டும்.

மேலும், அவர்கள் கொலை, தேசத்துரோகம் அல்லது பிற குறிப்பிட்ட குற்றச்சாட்டுகளுக்கு உள்ளாகவில்லை என்பதை உறுதி செய்வதற்காக அரச புலனாய்வு சேவையால் பரிசோதிக்கப்படுவார்கள். 

இந்தியாவின் பணக்கார குடும்ப பட்டியல் - முதல் 10 இடத்தில் 2 தமிழ் குடும்பம்

இந்த பரிசோதனைச் செயல்முறையில் தகுதி பெற்றவர்கள், அங்கீகரிக்கப்பட்ட விமான நிலையம் அல்லது துறைமுகம் வழியாக தற்காலிக கடவுச்சீட்டு மூலம் இலங்கைக்குள் நுழைய அனுமதிக்கப்படுவார்கள்.

அங்கீகரிக்கப்படாத வழிகள் மூலம் வெளியேறியதற்காக, குடிவரவுச் சட்டத்தின் கீழ் அவர்கள் மீது சட்ட நடவடிக்கைகள் எடுக்கப்படாது என இலங்கை அரசு தெரிவித்துள்ளது.

தற்போதைய நிலவரப்படி, தமிழ்நாட்டில் உள்ள 108 முகாம்களில் 58,000 இலங்கைத் தமிழர்கள் தங்கியுள்ளனர். முகாமிற்கு வெளியே காவல்நிலையத்தில் பதிவு செய்து, 34,000 இலங்கைத் தமிழர்கள் தங்கியுள்ளனர்.