கோட்டாபய ராஜபக்ச மாலைதீவுக்குத் தப்பிச் சென்றது ஏன்.., உதவியது யார்?

கோட்டாபய ராஜபக்ச ஏன் மாலைதீவுக்குத் தப்பிச் செல்லத் தேர்ந்தெடுத்தார் என்பது குறித்து இங்கே விளக்கப்பட்டுள்ளது.

இலங்கை அதிபர் கோட்டாபய ராஜபக்ச இலங்கை விமானப்படையின் விமானத்தில் மாலைதீவுக்குத் இரவோடு இரவாக தப்பிச் சென்றார்.புதன்கிழமை (ஜூலை 13) அதிகாலைமாலைதீவில் தரையிறங்கிய பின்னர் கோட்டாபய ஓய்வு விடுதிக்கு அழைத்துச் செல்லப்பட்டதாக தகவல்கள் தெரிவிக்கின்றன. அவரது அடுத்த திட்டங்கள் தெளிவாக இல்லை.

ஆனால், அவர் மாலைதீவில் இருந்து இன்று இரவுக்குள் சிங்கப்பூருக்கு செல்ல திட்டமிட்டுள்ளதாகா மாலைதீவு ஊடகங்களில் செய்திகள் வெளியாகியுள்ளன.

மாலைதீவுக்கு செல்வதற்கு முன், கோட்டாபய அமெரிக்காவிற்கு செல்வதற்கான முயற்சிகளை முன்னெடுத்ததாகவும், ஆனால் அவர் விசா பெறத் தவறியதாகவும் தெரிவிக்கப்பட்டுள்ளது. மத்திய கிழக்கில் உள்ள ஒரு நாட்டிற்கு செல்ல முயன்றபோது விமான நிலையத்தில் அவர் தடுக்கப்பட்டதாக மற்ற தகவல்கள் தெரிவித்தன.

அவர் ஏன் இறுதியில் மாலைதீவுகளை தேர்வு செய்தார்? 

கோட்டாபய ராஜபக்ச மாலைதீவுக்கு சென்றதில் முகமது நஷீத்திற்கு தொடர்பு இருப்பதாக அறிக்கைகள் தெரிவிக்கின்றன.

மாலத்தீவின் முன்னாள் ஜனாதிபதியும் தற்போது சபாநாயகருமான மொஹமட் நஷீத்துக்கு ராஜபக்ச குடும்பத்தினர் நெருக்கமானவர்கள் என கூறப்படுகிறது. 2012-ஆம் ஆண்டு ஆட்சியில் இருந்து நஷீத் வெளியேற்றப்பட்ட பின்னர், மகிந்த ராஜபக்ச அதிபராக இருந்த நேரத்தில் அவர் இலங்கையில் தஞ்சம் புகுந்தார். 2008-ல் நஷீத் முதல்முறையாக ஆட்சியைப் பிடிப்பதற்கு முன்பு, அவரது மாலத்தீவு ஜனநாயகக் கட்சியின் (MDP) உறுப்பினர்கள் பலர் அடிக்கடி கொழும்பில் சந்திப்பார்கள்.

கடந்த மாதம், பிரதம மந்திரி ரணில் விக்கிரமசிங்க, இலங்கையின் நெருக்கடியான மற்றும் பற்றாக்குறையால் பாதிக்கப்பட்டுள்ள பொருளாதாரத்திற்கான சர்வதேச நிவாரண முயற்சிகளை ஒருங்கிணைக்க நஷீத்தை நியமித்தார். நஷீத் தனது நல்ல பதவிகளை இலங்கை பிரதமருக்கு வழங்கியதாகவும், விக்கிரமசிங்கவும் அந்த வாய்ப்பை ஏற்றுக்கொண்டதாகவும் இலங்கை டெய்லி மிரர் செய்தி வெளியிட்டுள்ளது.

ஆனால் இந்த நட்பு அசாதாரணமானது அல்ல.

இலங்கை மற்றும் மாலத்தீவின் ஆளுமையான நபர்கள் எப்போதும் நெருங்கிய உறவுகளைக் கொண்டுள்ளனர். மாலைதீவின் முன்னாள் தலைவர் மௌமூன் அப்துல் கயூம் தனது மூன்று தசாப்த கால ஆட்சியின் போது இலங்கைத் தலைவர்களுடன் நெருங்கிய உறவைக் கொண்டிருந்தார். அதே நேரத்தில், மௌமூன் அப்துல் கயூமின் எதிர்ப்பு அரசியல்வாதிகளுக்கும் இலங்கை ஒருபோதும் கதவுகளை மூடவில்லை. 

கோட்டாபய மாலைதீவுக்கு வந்திருப்பது சமூக வலைத்தளங்களில் விவாதப் பொருளாக இருந்ததாகவும், இலங்கையுடனான உறவை கெடுத்துவிடக்கூடாது என்பதில் மக்கள் அக்கறை காட்டுவதாகவும் செய்திகள் வெளியாகின. அதிக எண்ணிக்கையிலான மாலைதீவு குடிமக்கள் இலங்கையில் படித்து வேலை செய்கின்றனர்.

கோட்டாபயவின் வருகை குறித்து வெளிவிவகார அமைச்சு மௌனம் காத்து வருவதாக செய்தி ஒன்று தெரிவித்துள்ளது.