மகுடம் சூடிய இலங்கை அணி! வாணவேடிக்கை காட்டிய வீரர்

இலங்கை அணிக்கு எதிரான கடைசி ஒருநாள் போட்டியில் மேற்கிந்திய தீவுகள் 8 விக்கெட் வித்தியாசத்தில் வெற்றி பெற்றது. 

நிசங்கா 56

Pallekeleவில் இலங்கை மற்றும் மேற்கிந்திய தீவுகள் அணிகளுக்கு இடையிலான கடைசி ஒருநாள் போட்டி நடந்தது.

இலங்கை அணி முதலில் துடுப்பாடியது. அவிஷ்கா பெர்னாண்டோ 34 (50) ஓட்டங்கள் எடுத்து ஆட்டமிழக்க, பதும் நிசங்கா அரைசதம் விளாசினார். 

What a way to return to the side! 15th ODI fifty for Pathum! ?#SLvWI pic.twitter.com/kBRfprcQtZ

— Sri Lanka Cricket ?? (@OfficialSLC) October 26, 2024

அணியின் ஸ்கோர் 138 ஆக உயர்ந்தபோது, 62 பந்துகளில் ஒரு சிக்ஸர், 8 பவுண்டரிகளுடன் 56 ஓட்டங்கள் எடுத்திருந்த நிசங்கா ரன்அவுட் ஆனார்.

பார்டர் கவாஸ்கர் தொடருக்கான டெஸ்ட் அணியில் தமிழக வீரர் அறிமுகம்: யார் அவர்?

குசால் மெண்டிஸ் சரவெடி

மறுமுனையில் அதிரடியில் குசால் மெண்டிஸ் (Kusal Mendis) 22 பந்துகளில் ஒரு சிக்ஸர், 9 பவுண்டரிகளுடன் 56 ஓட்டங்கள் விளாசினார். 

Sri Lanka finishes on 156/3 in 23 overs. West Indies, your revised target is 195 from 23 overs.?? #SLvWI pic.twitter.com/dtNgiaFMaN

— Sri Lanka Cricket ?? (@OfficialSLC) October 26, 2024

இலங்கை அணி 3 விக்கெட்டுக்கு 156 ஓட்டங்கள் எடுத்திருந்தபோது ஆட்டம் 23 ஓவர்கள் கொண்ட போட்டியாக மாற்றப்பட்டது. 

மேலும் மேற்கிந்திய தீவுகள் அணிக்கு DLS விதிப்படி 195 ஓட்டங்கள் வெற்றி இலக்காக நிர்ணயிக்கப்பட்டது. பிரண்டன் கிங் 16 ஓட்டங்களிலும், ஷாய் ஹோப் 22 ஓட்டங்களிலும் வெளியேற, எவின் லீவிஸ் - ஷெர்பானே ரூதர்போர்டு கூட்டணி வாணவேடிக்கை காட்டியது. 

லீவிஸ் சதம்

இருவரின் ருத்ர தாண்டவ ஆட்டத்தினால் மேற்கிந்திய தீவுகள் 22 ஓவர்களில் 196 ஓட்டங்கள் எடுத்து வெற்றி பெற்றது.

எவின் லீவிஸ் (Evin Lewis) 61 பந்துகளில் 4 சிக்ஸர், 9 பவுண்டரிகளுடன் 102 ஓட்டங்களும், ஷெர்பானே ரூதர்போர்டு (Sherfane Rutherford) 26 பந்துகளில் 3 சிக்ஸர், 4 பவுண்டரிகளுடன் 50 ஓட்டங்களும் குவித்தனர்.

மேற்கிந்திய தீவுகள் ஆறுதல் வெற்றி பெற்ற நிலையில், இலங்கை 2-1 என்ற கணக்கில் தொடரை வென்றது. 

An ODI return with a BANG!?

His 3rd against Sri Lanka and 5th ODI ton!? #SLvWI | #MenInMaroon pic.twitter.com/L6VD35JdJr

— Windies Cricket (@windiescricket) October 26, 2024

ஆட்டநாயகனாக எவின் லீவிஸும், தொடர் நாயகனாக இலங்கை அணித்தலைவர் சரித் அசலங்காவும் (Charith Asalanga) தெரிவு செய்யப்பட்டனர்.